అక్షరటుడే, నిజామాబాద్ అర్బన్: Forest Officer Bike Burning | నిజామాబాద్ జిల్లాలో ఓ ఫారెస్ట్ అధికారి బైక్ దగ్ధమైంది. ఈ ఘటన సిరికొండ మండలం (Sirikonda Mandal) రావుట్ల ఫారెస్ట్ రేంజ్ పరిధిలో మంగళవారం చోటు చేసుకుంది.
Forest Officer Bike Burning | ఫుట్ పెట్రోలింగ్ చేస్తుండగా..
రావుట్ల రేంజ్ ఆఫీసర్ నర్సింగ్రావు తెలిపిన వివరాల ప్రకారం.. రోజువారీ విధుల్లో భాగంగా రావుట్ల అటవీశాఖ రేంజ్ (Ravutla Forest Range) పరిధిలో మంగళవారం బీట్ ఆఫీసర్ కె.శ్రీకాంత్ ఆధ్వర్యంలో సిబ్బంది అడవిలో ఫుట్ పెట్రోలింగ్కు వెళ్లారు. ఈ క్రమంలో బైక్ను కొద్దిదూరంలో నిలిపి ఉంచి అడవిలోకి తనిఖీల నిమిత్తం వెళ్లారు. కొన్ని గంటల అనంతరం తిరిగి వచ్చి చూడగా బైక్ పూర్తిగా దగ్ధమై ఉంది. వెంటనే మంటలను ఆర్పివేసిన సిబ్బంది తమ ఉన్నతాధికారులకు, సిరికొండ పోలీసులకు సమాచారాన్ని అందించారు. స్పందించిన సిరికొండ పోలీసులు ఘటనాస్థలానికి చేరుకున్నారు. బీట్ ఆఫీసర్ ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.
ఇది కూడా చదవండి..: BRSV Leaders Arrest | బీఆర్ఎస్వీ నాయకుల అక్రమ అరెస్ట్లు సిగ్గుచేటు..
