అక్షరటుడే, కామారెడ్డి: Garbage Collection | పట్టణం (Kamareddy)లో చెత్త సేకరణ వ్యవస్థ అస్తవ్యస్తంగా మారింది. ఎక్కడపడితే అక్కడ చెత్తకుప్పలు దర్శనమిస్తున్నాయి. దాంతో పట్టణం అంతా దుర్గంధం వెదజల్లుతోంది.
Garbage Collection | ప్రజలు ఫిర్యాదులు చేసినప్పటికీ..
స్థానిక కౌన్సిలర్లు, ప్రజలు ఫిర్యాదులు చేసినప్పటికీ అధికారులు పట్టించుకోవడం లేదన్న ఆరోపణలు వినిపిస్తున్నాయి. ఈ క్రమంలో విసుగు చెందిన 46వ వార్డు బీఆర్ఎస్ పార్టీ కౌన్సిలర్ గెరిగంటి లక్ష్మీనారాయణ ఆగ్రహం వ్యక్తం చేస్తూ తన వార్డులో పేరుకుపోయిన చెత్త కుప్పల్లో కూర్చుని నిరసన వ్యక్తం చేశాడు. ఈ సందర్భంగా ఆయన కామారెడ్డి పట్టణాన్ని మున్సిపల్ కమిషనర్ డంపింగ్ యార్డుగా మారుస్తున్నారని ఆగ్రహం వ్యక్తం చేశాడు. అధికారులకు ఎన్నిసార్లు చెప్పినా పట్టించుకోవడం లేదని ఆరోపించాడు. ఇలాగే కొనసాగితే ప్రజలు అనేక ఇబ్బందులు పడతారని తెలిపాడు. ఇకనైనా అధికారులు చెత్తను ఎప్పటికప్పుడు శుభ్రం చేయించాలని డిమాండ్ చేశాడు. కౌన్సిలర్ నిరసన తర్వాత స్పందించిన అధికారులు సుభాష్ రోడ్డులో చెత్త తొలగించినా జీజీహెచ్ వద్ద మాత్రం అలాగే ఉంచారు.
ఇది కూడా చదవండి..: Annapurna Seva Rath | జీసీఆర్ ట్రస్ట్ ఆధ్వర్యంలో ‘అన్నపూర్ణ సేవారథం’
