అక్షరటుడే, వెబ్డెస్క్: Hafeezpet Fire Accident | మియాపూర్ (Miyapur) పోలీస్ స్టేషన్ పరిధిలోని హఫీజ్పేట్లో అగ్ని ప్రమాదం చోటు చేసుకుంది. ఫ్లై ఓవర్ పక్కన ఉన్న పెయింటింగ్ షాపులో శనివారం తెల్లవారుజామున మంటలు అంటుకున్నాయి. దీంతో స్థానికులు భయాందోళనకు గురయ్యారు.
Hafeezpet Fire Accident | రూ.60 లక్షల ఆస్తినష్టం
పెయింటింగ్ షాపులో ఒక్కసారిగా మంటలు అంటుకున్నాయి. పెయింటింగ్ డబ్బాలకు మండే స్వభావం ఉంటడంతో క్షణాల్లో దుకాణం మొత్తం వ్యాపించాయి. పెద్ద ఎత్తున మంటలు, పొగ అలుముకోవడంతో స్థానికులు వెంటనే అగ్నిమాపక సిబ్బందికి సమాచారం అందంఇంచారు. పోలీసులు, ఫైర్ సిబ్బంది ఘటనా స్థలానికి చేరుకొని సహాయక చర్యలు చేపట్టారు. ఫైరింజన్లతో మంటలను ఆర్పివేశారు. అప్పటికే షాప్లోని సామగ్రి కాలిబూడిద అయింది. ఈ ప్రమాదంలో రూ.60 లక్షల ఆస్తినష్టం జరిగినట్లు సమాచారం. ప్రమాదానికి గల కారణాలు తెలియరాలేదు. పోలీసులు కేసు నమోదు చేసుకొని దర్యాప్తు చేస్తున్నారు.
ఇది కూడా చదవండి..: Fox Sagar Lake | మరో చెరువు అభివృద్ధికి హైడ్రా చర్యలు
