అక్షరటుడే, హైదరాబాద్ : Hyderabad Fire Accident | నగరంలో వరుసగా జరుగుతున్న అగ్నిప్రమాదాలు ప్రజలను ఆందోళనకు గురిచేస్తున్నాయి. తాజాగా బహదూర్పురా నియోజకవర్గ (Bahadurpura Constituency) పరిధిలోని కిషన్బాగ్లో భారీ అగ్నిప్రమాదం (Major Fire Accident) సంభవించింది. స్థానికంగా ఉన్న ఒక సోఫా తయారీ కేంద్రంలో అకస్మాత్తుగా మంటలు చెలరేగి, భారీ ఆస్తి నష్టం జరిగింది
Hyderabad Fire Accident | క్షణాల్లోనే మంటలు
సోఫా తయారీ కేంద్రం (Sofa Manufacturing Center)లో ఫోమ్, రెక్సిన్, కట్టెలు వంటి మండే స్వభావం గల వస్తువులు భారీగా ఉండటంతో మంటలు క్షణాల్లోనే భవనం అంతటా వ్యాపించాయి. మంటల ధాటికి ఆ ప్రాంతమంతా దట్టమైన నల్లటి పొగ కమ్ముకుంది. దీంతో స్థానికులు భయాందోళనలతో ఇళ్ల నుంచి బయటకు పరుగులు తీశారు. ప్రమాదంపై సమాచారం అందుకున్న అగ్నిమాపక సిబ్బంది వెంటనే ఫైర్ ఇంజన్లతో ఘటనా స్థలానికి చేరుకున్నారు. మంటలు పక్కనే ఉన్న ఇతర భవనాలకు వ్యాపించకుండా సిబ్బంది ప్రయత్నిస్తున్నారు.
Hyderabad Fire Accident | లక్షల్లో ఆస్తి నష్టం
ఈ ప్రమాదంలో తయారీ కేంద్రంలోని సోఫాలు, ఇతర ముడి సరుకులు పూర్తిగా కాలి బూడిదయ్యాయి. లక్షలాది రూపాయల ఆస్తి నష్టం జరిగినట్లు యజమానులు ఆవేదన వ్యక్తం చేస్తున్నారు. అయితే, ప్రమాదం జరిగిన సమయంలో కేంద్రంలో ఎవరూ లేకపోవడంతో పెద్ద ప్రాణాపాయం తప్పింది.
Hyderabad Fire Accident | పోలీసుల దర్యాప్తు
ప్రమాదానికి గల కారణాలు ఇంకా స్పష్టంగా తెలియలేదు. షార్ట్ సర్క్యూట్ (Short Circuit) వల్ల మంటలు చెలరేగాయా? లేదా మరేదైనా కారణమా? అనే కోణంలో పోలీసులు దర్యాప్తు చేస్తున్నారు. రద్దీగా ఉండే పాతబస్తీ ప్రాంతాల్లో వరుస అగ్నిప్రమాదాలు జరుగుతుండటంతో అగ్నిమాపక భద్రతా నిబంధనల అమలుపై అధికారులు ఆందోళన వ్యక్తం చేస్తున్నారు.
ఇది కూడా చదవండి..: Rohith Reddy Bail | పైలెట్ రోహిత్ రెడ్డికి హైకోర్టులో ఊరట.. షరతులతో కూడిన బెయిల్ మంజూరు!
