అక్షరటుడే, వెబ్డెస్క్ : KCR Meeting | బీఆర్ఎస్ (BRS) అధినేత కేసీఆర్ జగిత్యాలలో సోమవారం నిర్వహించిన సభతో ఆ పార్టీ శ్రేణుల్లో జోష్ నెలకొంది. చాలా రోజుల తర్వాత గులాబీ బాస్ బహిరంగ సభలో మాట్లాడటంతో కేడర్లో ఉత్సాహం వచ్చింది. ఈ క్రమంలో ఈ నెల 27న తెలంగాణ భవన్ (Telangana Bhavan)లో కేసీఆర్ అధ్యక్షతన ప్రత్యేక సమావేశం నిర్వహించనున్నారు.
బీఆర్ఎస్ ఆవిర్భావ దినోత్సవం (BRS Formation Day) ఈ నెల27న ఘనంగా నిర్వహించనున్నారు. గతేడాది రజోత్సవాల సందర్భంగా పెద్ద ఎత్తున సభ ఏర్పాటు చేశారు. అయితే ఈ సారి తెలంగాణ భవన్లో వేడుకలు నిర్వహించనున్నట్లు సమాచారం. అనంతరం కేసీఆర్ పార్టీ సంస్థాగత నిర్మాణం, సభ్యత్వాల పునరుద్ధరణ తదితర రాజకీయ అంశాల మీద చర్చించనున్నారు.
KCR Meeting | వీరికి ఆహ్వానం
కేసీఆర్ (KCR) మీటింగ్కు పార్టీ రాష్ట్ర కార్యవర్గ సభ్యులతో పాటు ఎంపీలు, ఎమ్మెల్యేలు, మాజీ కార్పొరేషన్ల చైర్మన్లు, మాజీ జిల్లా పరిషత్ చైర్మన్లకు ఆహ్వానం అందింది. మారుతున్న రాజకీయ పరిణామాల నేపథ్యంలో పార్టీ క్యాడర్ను ఎలా ముందుకు తీసుకెళ్లాలి, సభ్యత్వ నమోదు ప్రక్రియను ఏ విధంగా వేగవంతం చేయాలనే విషయాలపై కేసీఆర్ దిశానిర్దేశం చేయనున్నారు. వీటితో పాటు ప్రస్తుత రాష్ట్ర రాజకీయ పరిస్థితులు, పార్టీ భవిష్యత్ కార్యాచరణపై చర్చిస్తారు. కాగా రాష్ట్రంలో త్వరలో ఎంపీటీసీ, జెడ్పీటీసీ ఎన్నికలు జరగనున్నాయి. ఈ క్రమంలో కేసీఆర్ వరుస సమావేశాలు నిర్వహిస్తుండటం ప్రాధాన్యత సంతరించుకుంది.
దీనిని కూడా చదవండి : RDO Caught by ACB | లంచం తీసుకుంటూ ఏసీబీకి చిక్కిన ఆర్డీవో
