అక్షరటుడే, నిజామాబాద్ అర్బన్: Locker Theft | నగరంలో (Nizamabad City) దొంగలు హల్చల్ చేస్తున్నారు. వరుస చోరీలకు పాల్పడుతూ నగరవాసులకు కంటిమీద కునుకు లేకుండా చేస్తున్నారు. తాళం వేసిన ఇళ్లను టార్గెట్ చేస్తూ పోలీసులకు సవాల్ విసురుతున్నారు. పక్షం రోజుల కిందట వినాయక్నగర్లో నాలుగైదు ఇళ్లల్లో చోరీలకు పాల్పడ్డ దుండగులు.. తాజాగా సుభాష్నగర్లో భారీ చోరీకి పాల్పడ్డారు.
Locker Theft | మూడో టౌన్ పోలీస్స్టేషన్ పరిధిలో..
నగరంలోని మూడో టౌన్ పోలీస్స్టేషన్ పరిధిలోని (Nizamabad Police) సుభాష్నగర్లో సోమవారం అర్ధరాత్రి దాటిన తర్వాత దుండగులు తాళం వేసిన ఇంట్లో చొరబడ్డారు. ఆ ఇంటి యజమాని ఉద్యోగరీత్యా హైదరాబాద్లో(Hyderabad) ఉంటున్నాడు. ముందుగా రెక్కీ వేసిన దొంగలు పక్కా ప్రణాళికతో ఇంట్లో చోరీకి పాల్పడ్డారు. లాకర్ను తెరిచేందుకు తీవ్రంగా ప్రయత్నం చేయగా అది తెరుచుకోకపోవడంతో ఏకంగా లాకర్ను ఎత్తుకెళ్లారు. అందులో భారీఎత్తున బంగారు నగలు ఉన్నట్లుగా తెలుస్తోంది. ఉదయం ఇంటి తలుపులు తెరిచి ఉండడం.. ఇళ్లంతా చిందరవందరగా ఉన్నట్లుగా గమనించిన స్థానికులు వెంటనే పోలీసులకు సమాచారం అందించారు. పోలీసులు సంఘటనాస్థలానికి చేరుకుని దర్యాప్తు చేస్తున్నారు. ఇంట్లో ఉన్న లాకర్ను ఎత్తుకెళ్లడాన్ని బట్టి అంతర్రాష్ట్ర ముఠా చోరీ చేసి ఉండవచ్చని ప్రాథమికంగా అంచనాకు వచ్చారు.
ఇది కూడా చదవండి: R&B ENC ACB Raids | ఆర్అండ్బీ ఈఎన్సీ నివాసాల్లో ఏసీబీ సోదాలు
