అక్షరటుడే, వెబ్డెస్క్: R&B ENC ACB Raids | రోడ్లు, భవనాల (ఆర్&బీ) ఇంజనీర్-ఇన్-చీఫ్ మోహన్ నాయక్కు సంబంధించిన ఆస్తులపై అవినీతి నిరోధక బ్యూరో (ఏసీబీ) మంగళవారం దాడులు నిర్వహించింది. ఈ అధికారి తన పదవిని దుర్వినియోగం చేసి వందల కోట్ల రూపాయల ఆస్తులను కూడబెట్టారన్న ఆరోపణల నేపథ్యంలో 15 ప్రాంతాలలో ఏకకాలంలో సోదాలు నిర్వహిస్తోంది.
మాదాపూర్ (Madhapur)లోని మోహన్నాయక్ నివాహం సహా ఆయన ఆస్తులకు సంబంధించి తమకు వచ్చిన సమాచారంతో అధికారులు తెల్లవారుజామున తనిఖీలు ప్రారంభించారు. ఆయనపై ఎప్పటినుంచో ఆరోపణలు ఉన్నాయి. పెద్దమొత్తంలో కాంట్రాక్టర్ల నుంచి కమీషన్ వసూల్ చేస్తున్నట్లు సమాచారం. నిబంధనలకు విరుద్ధంగా నచ్చిన వారికి కాంట్రాక్టులు కట్టబెట్టడం ద్వారా కోట్ల రూపాయలు కూడబెట్టినట్లు ఆరోపణలు ఉన్నాయి. ఈ క్రమంలో ఏసీబీ తనిఖీలు చేపట్టడం గమనార్హం.
R&B ENC ACB Raids | భారీగా ఆస్తులు
మోహన్నాయక్కు భారీగా ఆస్తులు ఉన్నట్లు తెలుస్తోంది. వాటన్నిటి వివరాలు సేకరించి లెక్కగట్టడానికి సమయం పట్టే అవకాశముందని అధికారులు పేర్కొన్నారు. రోజంతా సోదాలు కొనసాగే అవకాశమున్నట్లు తెలుస్తోంది. తనిఖీలు పూర్తయ్యాక ఏసీబీ అధికారులు (ACB Officers) పూర్తి వివరాలు వెల్లడించనున్నారు.
ఇది కూడా చదవండి..: Nepal Gang Gold Theft | మరోసారి రెచ్చిపోయిన నేపాలీ గ్యాంగ్.. కిలో బంగారం చోరీ
