అక్షరటుడే, వెబ్డెస్క్: Mahesh Goud | కాంగ్రెస్ అగ్రనేత రాహుల్ గాంధీ (Rahul Gandhi) శనివారం ఉదయం హైదరాబాద్లో గిగ్వర్కర్స్ ర్యాలీలో పాల్గొన్న విషయం తెలిసిందే. ఈ ర్యాలీలో ఆయనతో పాటు సీఎం రేవంత్రెడ్డి వేర్వేరు బైక్లపై కూర్చొగా.. పీసీసీ అధ్యక్షుడు మహేశ్గౌడ్, మంత్రి వివేక్ పరిగెడుతూ కనిపించిన వీడియో వైరల్ అయింది.
ఈ వీడియోపై తీవ్ర విమర్శలు వచ్చాయి. రాహుల్ గాంధీ వెనకాల మంత్రి, పీసీసీ అధ్యక్షుడు పరుగెత్తడంపై నెటిజన్లు ఆగ్రహం వ్యక్తం చేశారు. వ్యంగ్యంగా పోస్టులు పెట్టారు. దీనిపై తాజాగా పీసీసీ అధ్యక్షుడు మహేశ్ గౌడ్ స్పందించారు. తన బైక్ స్కిడ్ కావడంతో వెనకాల ఉండిపోయానని చెప్పారు. తాను ఆయన పక్కన లేకపోవడం చూసి రాహుల్ పిలిచారన్నారు. ‘నేను ఫిట్గా ఉన్నందున పరుగెత్తాను. మా నాయకుడితో పాటు పరుగెత్తడం నా అదృష్టం’ అని మహేశ్ గౌడ్ అన్నారు.
Mahesh Goud | సమస్యలు తెలుసుకున్నారు
రాష్ట్ర ప్రభుత్వ పనితీరును, సోనియా గాంధీ జీవిత చరిత్రను ప్రశంసిస్తూనే రాహుల్ గాంధీ తెలంగాణ సంక్షేమ పథకాల గురించి ఆరా తీశారని మహేశ్ గౌడ్ తెలిపారు. రాష్ట్రంలో రియల్ ఎస్టేట్, ఫోన్ ట్యాపింగ్, ఇతర సమస్య గురించి తెలుసుకున్నారని చెప్పారు. రాహుల్ పర్యటన కాంగ్రెస్ కార్యకర్తలలో కొత్త ఉత్సాహాన్ని నింపిందని అన్నారు.
ఇది కూడా చదవండి..: Gig Workers Policy | గిగ్ వర్కర్లకు అండగా ఉంటాం : రాహుల్ గాంధీ