అక్షరటుడే, వెబ్డెస్క్: May 18 Gold Rates | గత వారం దిగుమతి సుంకాల పెంపు ప్రభావంతో ఒక్కసారిగా రికార్డు స్థాయికి చేరుకున్న బంగారం, వెండి ధరలు Silver Prices ఇప్పుడు క్రమంగా తగ్గుముఖం పడుతున్నాయి.
ముఖ్యంగా వారం చివరి రెండు రోజుల్లోనే బంగారం ధరలో దాదాపు రూ.5 వేల వరకు కోత పడటం పెట్టుబడిదారులు, కొనుగోలుదారుల్లో ఆసక్తిని పెంచుతోంది. అయితే ఈ తగ్గుదల శాశ్వతం కాదని, అంతర్జాతీయ పరిస్థితుల ప్రభావంతో ఈ వారం కూడా పసిడి, వెండి ధరల్లో హెచ్చుతగ్గులు కనిపించే అవకాశముందని మార్కెట్ విశ్లేషకులు అంచనా వేస్తున్నారు.
పశ్చిమాసియా ప్రాంతంలో కొనసాగుతున్న భౌగోళిక ఉద్రిక్తతలు, అంతర్జాతీయ ఆర్థిక పరిస్థితులు, డాలర్ విలువ మార్పులు బంగారం ధరలపై నేరుగా ప్రభావం చూపుతున్నాయి. ప్రపంచ మార్కెట్లలో అనిశ్చితి పెరిగినప్పుడు పెట్టుబడిదారులు బంగారాన్ని సురక్షిత పెట్టుబడిగా భావిస్తారు. దీంతో ధరల్లో ఒక్కసారిగా మార్పులు చోటుచేసుకుంటాయి.
May 18 Gold Rates | స్వల్ప మార్పులు..
గుడ్ రిటర్న్స్ వెబ్సైట్ వివరాల ప్రకారం, మే 18 ఉదయం 6:30 గంటల సమయానికి హైదరాబాద్ Hyderabad బులియన్ మార్కెట్లో 24 క్యారెట్ల 10 గ్రాముల బంగారం ధర రూ.1,56,920గా నమోదైంది. అదే సమయంలో 22 క్యారెట్ల 10 గ్రాముల బంగారం ధర రూ.1,43,840 వద్ద కొనసాగుతోంది. వెండి ధర కూడా భారీ స్థాయిలో ఉండగా, కిలో వెండి రూ.2,89,900గా ఉంది.
ఇతర ప్రధాన నగరాల్లో కూడా ధరల్లో స్వల్ప మార్పులు కనిపిస్తున్నాయి. చెన్నైలో 24 క్యారెట్ల 10 గ్రాముల పసిడి ధర రూ.1,60,900గా ఉండగా, 22 క్యారెట్ల బంగారం రూ.1,47,490 వద్ద ఉంది. ముంబైలో హైదరాబాద్ ధరలతో సమానంగా 24 క్యారెట్ల బంగారం రూ.1,56,920, 22 క్యారెట్ల బంగారం రూ.1,43,840గా నమోదైంది.
దేశ రాజధాని న్యూఢిల్లీలో Delhi 10 గ్రాముల 24 క్యారెట్ల బంగారం ధర రూ.1,57,070గా ఉండగా, ఆభరణాల తయారీలో ఎక్కువగా ఉపయోగించే 22 క్యారెట్ల బంగారం ధర రూ.1,43,990గా ఉంది.
May 18 Gold Rates | వెండి ఔన్స్ ధర..
అంతర్జాతీయ మార్కెట్లో కూడా పసిడి, వెండి ధరలు కీలక స్థాయిల్లో ట్రేడవుతున్నాయి. ప్రస్తుతం ఔన్స్ (31.10 గ్రాములు) బంగారం ధర 4,497 డాలర్ల వద్ద ఉండగా, వెండి ఔన్స్ ధర 74 డాలర్లుగా నమోదైంది. మార్కెట్ నిపుణుల అభిప్రాయం ప్రకారం, అంతర్జాతీయ పరిణామాలు, కేంద్ర బ్యాంకుల విధానాలు, దిగుమతి విధానాల్లో మార్పులు వంటి అంశాలు రాబోయే రోజుల్లో ధరలను ప్రభావితం చేసే అవకాశముంది.
పెళ్లిళ్ల సీజన్, పెట్టుబడి అవసరాలు కూడా డిమాండ్ను ప్రభావితం చేయవచ్చని వారు చెబుతున్నారు. ప్రస్తుతం ధరలు తగ్గినా, కొనుగోలు చేసే ముందు మార్కెట్ పరిస్థితులను పరిశీలించడం మంచిదని సూచిస్తున్నారు.
