అక్షరటుడే, డిచ్పల్లి : Nizamabad HM Suspension | పాఠశాలలో నిర్వహిస్తున్న మధ్యాహ్న భోజన పథకంపై నిర్లక్ష్యం వహించిన ఇన్ఛార్జి హెచ్ఎంపై వేటు పడింది. డిచ్పల్లి మండలం కమలాపూర్ జడ్పీహెచ్ఎస్ పాఠశాల ఇన్ఛార్జి హెచ్ఎం అమర్ సింగ్ను సస్పెండ్ చేస్తూ జిల్లా కలెక్టర్ ఇలా త్రిపాఠి (Collector Ila Tripathi) ఉత్తర్వులు జారీ చేశారు.
Nizamabad HM Suspension | మిడ్డే మిల్స్పై నిర్లక్ష్యం..
2026 సెప్టెంబర్ 15 నుంచి 22వ తేదీ వరకు విద్యార్థులకు మధ్యాహ్న భోజనం అందించడంలో నిర్లక్ష్యం జరిగినట్లు పలు వార్తా పత్రికల్లో కథనాలు ప్రచురితమయ్యాయి. దీంతో కలెక్టర్..ఈ ఉదంతంపై విచారణ జరిపించారు. ఈ సందర్భంగా మధ్యాహ్న భోజనం అమలులో అలసత్వం చోటుచేసుకున్నట్లు విచారణలో వెల్లడైంది. దీంతో ఇన్ఛార్జి హెచ్ఎం అమర్ సింగ్ను సస్పెన్షన్ చేస్తూ కలెక్టర్ ఉత్తర్వులు జారీ చేశారు. విద్యార్థులకు అందాల్సిన సంక్షేమ పథకాలు, ప్రయోజనాల అమలులో బాధ్యతాయుతంగా వ్యవహరించాలని, విధి నిర్వహణలో నిర్లక్ష్యాన్ని ఎంతమాత్రం ఉపేక్షించబోమని ఈ సందర్భంగా కలెక్టర్ ఇలా త్రిపాఠి స్పష్టం చేశారు.
ఇది కూడా చదవండి..: Dharmapuri Arvind | గడ్డం పెంచితే సీఎం అవుతారా? కేటీఆర్‌పై ధర్మపురి అర్వింద్ సెటైర్లు
