అక్షరటుడే, వెబ్డెస్క్: Padmashali Bhavan Telangana | తెలంగాణ రాష్ట్ర పద్మశాలి సంఘం చిరకాల స్వప్నం సాకారమయ్యే దిశగా అడుగులు పడ్డాయి. పద్మశాలి భవన నిర్మాణానికి రాష్ట్ర ప్రభుత్వం రూ. 5 కోట్ల నిధులను కేటాయించింది. ఇందుకు సంబంధించిన అధికారిక జీవో (GO) ప్రతులను బీసీ సంక్షేమ, రవాణా శాఖల మంత్రి శ్రీ పొన్నం ప్రభాకర్.. రాష్ట్ర పద్మశాలి సంఘం నాయకులకు అందజేశారు.
Padmashali Bhavan Telangana | ఎనిమిదేళ్ల ఎదురుచూపులకు తెర..
తెలంగాణ రాష్ట్ర పద్మశాలి సంఘం భవన నిర్మాణం కోసం గతంలో 2018 సంవత్సరంలోనే హైదరాబాద్‌లోని కోకాపేటలో 2.5 ఎకరాల విశాలమైన భూమిని కేటాయించారు. అయితే, అప్పటి ప్రభుత్వం ఆ భూమిలో భవన నిర్మాణానికి ఎలాంటి నిధులు కేటాయించకపోవడంతో దాదాపు 8 సంవత్సరాలుగా ఈ ప్రక్రియ తాత్సారమవుతూ వచ్చింది.
తాజాగా ప్రస్తుత కాంగ్రెస్ ప్రభుత్వం స్పందించి భవన నిర్మాణ నిధులను మంజూరు చేయడం పద్మశాలి వర్గాల్లో హర్షం వ్యక్తమవుతోంది. ఈ సందర్భంగా రాష్ట్ర ముఖ్యమంత్రి శ్రీ ఎనుముల రేవంత్ రెడ్డికి, మంత్రి శ్రీ పొన్నం ప్రభాకర్‌కు తెలంగాణ రాష్ట్ర పద్మశాలి సంఘం తరఫున నాయకులు హృదయపూర్వక కృతజ్ఞతలు తెలిపారు.
Padmashali Bhavan Telangana | ప్రత్యేక కమిటీ ఏర్పాటు చేయాలని విజ్ఞప్తి..
కోకాపేటలో కేటాయించిన రెండున్నర ఎకరాల భూమిని ప్రభుత్వం వెంటనే పరిశీలించాలని, ఎలాంటి జాప్యం లేకుండా భవన నిర్మాణం తక్షణమే ప్రారంభమయ్యేలా తగిన నిధులతో ఒక ప్రత్యేక కమిటీని ఏర్పాటు చేయాలని సంఘం నాయకులు ప్రభుత్వాన్ని కోరారు.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
ఈ కార్యక్రమంలో తెలంగాణ రాష్ట్ర పద్మశాలి సంఘం రాష్ట్ర అధ్యక్ష కార్యదర్శులు వల్లకటి రాజకుమార్, అప్పం శ్రీనివాస్, గంజి శ్రీనివాస్, ఉపాధ్యక్షులు మేకల జయరాములు, రాజకీయ విభాగం అధ్యక్షులు గుంటి నాగేష్, రాష్ట్ర కార్యదర్శి బొమ్మిడాల లక్ష్మణ్, గ్రేటర్ యూత్ అధ్యక్షులు ఆడెపు సతీష్ તથા కమిటీ సభ్యులు గుండు రమేష్, పోల నవీన్ కుమార్, చిలివేరి వీరేశం, మినిగంటి రమేష్, శ్రీనివాస్ తదితరులు ఘనంగా హాజరై కృతజ్ఞతలు తెలిపారు.
