అక్షరటుడే, కామారెడ్డి: Pending Wages in Bank | జీతం కోసం చెమటోడ్చిన పంచాయతీ కార్మికులకు(Panchayat Workers) చుక్కెదురైంది. ప్రభుత్వం జమ చేసిన వేతనాలు బ్యాంకులోనే పెండింగ్ పడ్డాయి.
Pending Wages in Bank | అక్షరాలు రూ.50లక్షలకు పైగా..
అక్షరాలా రూ.50 లక్షలకు పైగా మొత్తం నిలిచిపోవడంతో కార్మికులు లబోదిబోమంటున్నారు. గాంధారి (Gandhari) మండలంలో 45 గ్రామ పంచాయతీలు ఉండగా, 38 పంచాయతీలకు చెందిన వంద మందికి పైగా కార్మికులకు కామారెడ్డిలోని (Kamareddy) కోటక్ మహీంద్రా బ్యాంకులో ఖాతాలు ఉన్నాయి. ప్రభుత్వం నుంచి వచ్చే జీతాలు నేరుగా ఈ ఖాతాల్లోనే జమ అవుతాయి. అయితే గత 13 నెలలుగా జమ అవుతున్న జీతాలను బ్యాంకు అధికారులు విడుదల చేయడం లేదన్న ఆరోపణలు వెల్లువెత్తుతున్నాయి. దీంతో విసిగిపోయిన సర్పంచులు, పంచాయతీ కార్యదర్శులు, కార్మికులు గురువారం మూకుమ్మడిగా బ్యాంకుకు చేరుకుని మేనేజర్ను నిలదీశారు. కార్మికులు, సర్పంచుల కథనం ప్రకారం.. ప్రత్యేక అధికారుల పాలనలో 8 నెలల జీతాలను ప్రభుత్వం జమ చేసింది.
Pending Wages in Bank | టెక్నికల్ ఇష్యూతోనే..
తాజాగా ఎన్నికైన సర్పంచుల హయాంలో టీఎస్-బీపాస్ తర్వాత మరో 5 నెలల జీతాలు కూడా జమ అయ్యాయి. అయితే ఖాతాల బదిలీ పేరుతో బ్యాంకు అధికారులు మెలిక పెడుతున్నారని వారు ఆరోపిస్తున్నారు. మొత్తం రూ.50 నుంచి 60 లక్షల వరకు బకాయి ఉండగా, ఇప్పుడు మేనేజర్ మాత్రం టీఎస్-బీపాస్ తర్వాత వచ్చిన 5 నెలల జీతాలే ఇస్తామని, గత 8 నెలల సంగతి తమకు తెలియదని చెబుతున్నారని కార్మికులు వాపోతున్నారు.
తాను రెండు నెలల క్రితమే బదిలీపై వచ్చానని, టెక్నికల్ ఇష్యూ వల్లే జాప్యం జరిగిందని మేనేజర్ బదులిచ్చారు. శుక్రవారం వరకు గడువు ఇవ్వాలని, సమస్యను పరిష్కరిస్తానని హామీ ఇచ్చారు. జీతాలు లేక పూట గడవడం కష్టంగా ఉందని కార్మికులు ఆవేదన వ్యక్తం చేస్తున్నారు. శుక్రవారంలోగా పరిష్కారం కాకపోతే మండలంలోని అన్ని గ్రామాల నుంచి కార్మికులు, సర్పంచులు, కార్యదర్శులతో కలెక్టరేట్ను ముట్టడిస్తామని హెచ్చరించారు.
ఇది కూడా చదవండి: ఎమ్మెల్యేగానే కొనసాగుతా..– కొండా సురేఖ
