అక్షరటుడే,నిజామాబాద్ సిటీ : Police Firing Practice | పోలీసులకు ఫైరింగ్ వెపన్స్పై పూర్తి అవగాహన ఉండాలని సీపీ సాయిచైతన్య (CM Sai Chaitanya) పేర్కొన్నారు. జానకంపేట్ ఫైరింగ్ కేంద్రంలో పోలీసు సిబ్బందికి ఫైరింగ్ ప్రాక్టీస్ను ఆయన గురువారం పరిశీలించారు.
Police Firing Practice | సురక్షితంగా సమర్థవంతంగా వినియోగించాలి..
ఈ సందర్భంగా సీపీ మాట్లాడుతూ.. పోలీసులు (Police Training) ఆయుధాలను సురక్షితంగా, సమర్థవంతంగా వినియోగించే విధంగా ప్రాక్టికల్ శిక్షణ పొందాలని సూచించారు. సిబ్బంది నిర్ణీత లక్ష్యాలపై ఫైరింగ్ నిర్వహిస్తూ లక్ష్యసాధన, ఖచ్చితత్వం, ఏకాగ్రత, ఆయుధాల వినియోగ నైపుణ్యాలను మెరుగుపర్చుకోవాలని పేర్కొన్నారు. అత్యవసర పరిస్థితులు, నేరస్తులపై చర్యలు, శాంతిభద్రతల పరిరక్షణ వంటి సందర్భాల్లో పోలీసులు తక్షణమే స్పందించాల్సి ఉంటుందని, అందుకు నిరంతర ఫైరింగ్ ప్రాక్టీస్ ఎంతో అవసరమన్నారు. అదేవిధంగా ఆయుధాలను వినియోగించే సమయంలో భద్రతా ప్రమాణాలు తప్పనిసరిగా పాటించాలన్నారు. ఈ సందర్భంగా అదనపు డీసీపీ (అడ్మిన్) ఎన్.శుభం ప్రకాష్, నిజామాబాద్, ఆర్మూర్, బోధన్, టాస్క్ ఫోర్స్, సీటీసీ, ట్రాఫిక్, ఏఆర్, హోంగార్డ్స్, ఐటీ ఏసీపీలు, సీఐలు, ఎస్హెచ్వోలు, పీఎస్వోలు తదితరులు పాల్గొన్నారు.
ఇది కూడా చదవండి: Varalakshmi Vratam 2026 | రేపే వరలక్ష్మీ వ్రతం.. పూజ విధానం , విశిష్టత ఇదే!
