అక్షరటుడే, వెబ్డెస్క్ : Ration Rice Mafia | రాష్ట్రంలో రేషన్ మాఫియా రెచ్చిపోతుంది. ప్రజల నుంచి తక్కువ ధరకు బియ్యం కొనుగోలు చేసి.. అనంతరం దానిని పాలిష్ చేసి అధిక ధరలకు విక్రయిస్తోంది. హైదరాబాద్ (Hyderabad) నగరంలో పలు బియ్యం డిపోలపై పౌర సరఫరా శాఖ అధికారులు తనిఖీలు చేశారు.
రేషన్ బియ్యాన్ని పాలిష్ చేసి, ప్రముఖ కంపెనీల బ్రాండ్ పేర్లతో బహిరంగ మార్కెట్‌లో కిలో రూ. 80 నుండి రూ. 100 వరకు విక్రయిస్తున్న మాఫియా గుట్టును అధికారులు రట్టు చేశారు. కార్మాన్‌ఘాట్‌లోని బియ్యం డిపోలపై పౌర సరఫరా, విజిలెన్స్ అధికారులు ఏకకాలంలో దాడులు నిర్వహించారు. పలు దుకాణాల నుండి బియ్యం నమూనాలను సేకరించారు.
Ration Rice Mafia | దుకాణాలు మూసి పరారు
అధికారులు తనిఖీలకు రాగానే.. చాలా మంది దుకాణదారులు తమ దుకాణాలను మూసివేసి అక్కడి నుండి పరారయ్యారు. రేషన్ బియ్యాన్ని సన్న బియ్యంగా మార్చి అమ్ముతున్నారని, సంచిలో ఉండాల్సిన దానికంటే తక్కువ తూకంతో విక్రయిస్తున్నారని అధికారులు గుర్తించారు. కొన్ని డిపోలు ట్రేడ్ లైసెన్స్ కూడా లేకుండా నడుస్తున్నట్లు తెలిపారు. ఆయా దుకాణాలపై చర్యలు తీసుకుంటామన్నారు.
ఇది కూడా చదవండి..: Hitec City Traffic Loop | ఐటీ కారిడార్‌లో నిరంతర ప్రయాణమే లక్ష్యం.. కేబీఆర్ పార్క్ మోడల్‌లో వన్-వే లూప్ సిస్టమ్‌కు శ్రీకారం!
