అక్షరటుడే, వెబ్డెస్క్: Shashi Tharoor | రణవీర్ సింగ్ నటించిన ‘ధురందర్’ సినిమా భారీ విజయాన్ని అందుకున్న విషయం తెలిసిందే. రెండు పార్టులుగా వచ్చిన ఈ మూవీ భారీగా కలెక్షన్లు సాధించింది. తాజాగా ఈ సినిమాపై కాంగ్రెస్ ఎంపీ శశిథరూర్ (MP Shashi Tharoor) కీలక వ్యాఖ్యలు చేశారు.
మూవీ రెండు పార్టులను చూసిన అనంతరం శశిథరూర్ వీడియో ద్వారా తన సమీక్షను పంచుకున్నారు. చిత్రనిర్మాణం, నటన, స్థాయిని ప్రశంసిస్తూనే, దానిలోని గ్రాఫిక్ హింస, రాజకీయ సందేశాన్ని ప్రశ్నించారు. మొదటి భాగం కంటే రెండవ భాగం ‘ధురందర్: ది రివెంజ్’ తనకు ఎక్కువగా నచ్చిందన్నారు. అయితే అందులోని హింస చాలాసార్లు హద్దులు దాటిందని చెప్పారు. ఇంత హింస, విధ్వంసం, క్రూరత్వం, భారతీయ సినిమా చరిత్రలోనే అత్యంత అసహ్యకరమైన కొన్ని దృశ్యాలను చూపించాల్సిన అవసరం లేదని ఆయన అభిప్రాయ పడ్డారు.
Shashi Tharoor | భారత్–పాక్ సంబంధాలపై..
భారత్-పాకిస్తాన్ సంబంధాలపై మూవీలో చూపించిన విధానంపై శశిథరూర్ పలు ప్రశ్నలు వేశారు. ఇందులో చాలా ప్రచార అంశాలు పొందుపరిచారన్నారు. ఈ చిత్రం కేవలం పాకిస్థాన్‌లోనే కాకుండా, అనేక గల్ఫ్ దేశాలలో కూడా నిషేధించినట్లు గుర్తు చేశారు. హీరో రణ్వీర్ పాత్రపై సైతం ఆయన స్పందించారు. గూఢచారి అధికారులతో తనకు ఉన్న అనుభవాలకు, ఈ చిత్రంలో చూపించిన ప్రపంచానికి చాలా తేడా ఉందన్నారు. మన నిఘా సంస్థల అధికారులు నాగరికమైన పద్ధతిలో, విశ్లేషణలు, సంభాషణలు, సమాచార మార్పిడితో పనులు చేస్తారన్నారు. ఎటువంటి రహస్య కుట్రలు లేదా ప్రమాదకరమైన కార్యకలాపాలు ఉండవని చెప్పారు. కొన్ని అభ్యంతరాలు ఉన్నా.. ఈ సినిమాలను బాగా తీశారని కాంగ్రెస్ ఎంపీ అభినందించారు. మొత్తం 8 గంటల నిడివి గల ఈ చిత్రాన్ని చూశాక, ఒక గొప్ప సినిమాటిక్ అనుభూతిని పొందినట్లు అనిపిస్తుందన్నారు.
ఇది కూడా చదవండి..: Tiger Shroff | టైగర్ ష్రాఫ్పై హత్యాయత్నం.. గన్స్ అందించిన మహిళలు
