అక్షరటుడే, మెండోరా: Sriramsagar Project | వర్షాల కారణంగా శ్రీరాంసాగర్లోకి(SRSP) ప్రస్తుతం ఇన్ఫ్లో ఆశాజనకంగా ఉంది. అయితే ఆదివారం కావడంతో ప్రాజెక్ట్పై పర్యాటకులు సందడి చేశారు.
Sriramsagar Project | మెండోరా మండలంలోని..
మెండోరా మండలంలోని శ్రీరాంసాగర్ (పోచంపాడ్) (Pochampad Dam) ప్రాజెక్ట్ పర్యాటకులతో కిటకిటలాడింది. ప్రాజెక్టులో సమృద్ధిగా నీరు ఉండడంతో ప్రకృతి అందాలను వీక్షించేందుకు జిల్లాతో పాటు పరిసర ప్రాంతాల నుంచి పెద్ద సంఖ్యలో సందర్శకులు తరలివచ్చారు. ప్రాజెక్టు పరిసరాల్లో కుటుంబ సభ్యులు, స్నేహితులతో కలిసి సందడి చేసిన పర్యాటకులు అందమైన దృశ్యాలను ఆస్వాదిస్తూ ఫొటోలు, సెల్ఫీలు దిగారు.
అప్రమత్తంగా పోలీసులు, ప్రాజెక్ట్ సిబ్బంది..
పర్యాటకుల రద్దీని దృష్టిలో ఉంచుకుని పోలీసులు, ప్రాజెక్టు భద్రతా సిబ్బంది అప్రమత్తంగా విధులు నిర్వహించారు. డ్యామ్ దిగువ ప్రాంతాలకు ఎవరూ వెళ్లకుండా నిరోధిస్తూ, ప్రమాదాలు జరగకుండా భద్రతా చర్యలు చేపట్టారు. సందర్శకులు అధికారులు సూచించిన భద్రతా నిబంధనలను తప్పనిసరిగా పాటించాలని, ప్రమాదకర ప్రాంతాల్లోకి వెళ్లకుండా జాగ్రత్తలు తీసుకోవాలని పోలీసులు సూచించారు.
ఇది కూడా చదవండి: Devi Sri Prasad as ‘PARSHI’ in… #YELLAMMA
