అక్షరటుడే, వెబ్డెస్క్ : TGPSC Notification | రాష్ట్ర ప్రభుత్వం నిరుద్యోగులకు గుడ్న్యూస్ చెప్పింది. 290 ఇంజినీరింగ్ పోస్టుల భర్తీకి టీజీపీఎస్సీ (TGPSC) మంగళవారం నోటిఫికేషన్ జారీ చేసింది.
ప్రభుత్వం 3,800 ఉద్యోగ ఖాళీల భర్తీకి అనుమతులు లభించాయని చైర్మన్ బుర్రా వెంకటేశం (Burra Venkatesham) సోమవారం తెలిపిన విషయం తెలిసిందే. ప్రతి నెల సగటున మూడు నోటిఫికేషన్లను నిరంతరాయంగా విడుదల చేస్తామన్నారు. నేడు మూడు నోటిఫికేషన్లు రిలీజ్ చేస్తామని ప్రకటించారు. ఈ మేరకు తాజాగా ఇంజినీరింగ్ పోస్టుల భర్తీ కోసం ప్రకటన విడుదల చేసింది.
TGPSC Notification | ఆన్లైన్లో దరఖాస్తులు
రోడ్లు, భవనాల శాఖలో 222 అసిస్టెంట్ ఎగ్జిక్యూటివ్ ఇంజినీర్ (సివిల్) పోస్టులను (AEE Posts) భర్తీ చేయనున్నారు. 18 నుంచి 44 ఏళ్లలోపు వారు వీటికి దరఖాస్తు చేసుకోవచ్చు. జూన్ 6 నుంచి జులై 13 వరకు ఆన్లైన్లో దరఖాస్తు చేసుకునే అవకాశం ఉంది. రోడ్లు భవనాల శాఖలో 49 అసిస్టెంట్ ఎగ్జిక్యూటివ్ ఇంజినీర్ (ఎలక్ట్రికల్) పోస్టులను భర్తీ చేయనున్నారు. జూన్ 8 నుంచి జులై 15 వరకు దరఖాస్తు చేసుకోవచ్చు. తెలంగాణ పొల్యూషన్ కంట్రోల్ బోర్డులో 19 అసిస్టెంట్ ఎన్విరాల్మెంట్ ఇంజినీర్ పోస్టులను భర్తీ చేయడానికి నోటిఫికేషన్ వెలువడింది. ఈ పోస్టుల కోసం జూన్ 10 నుంచి జులై 17 వరకు దరఖాస్తు చేసుకోవచ్చు. ఇతర వివరాల కోసం www.tgpsc.gov.in వెబ్సైట్ను సంప్రదించాలి.
దీనిని కూడా చదవండి : Mahesh Kumar Goud | పవన్ కళ్యాణ్పై పీసీసీ చీఫ్ సంచలన వ్యాఖ్యలు
