అక్షరటుడే, వెబ్డెస్క్: Anganwadi Salaries | మహిళలను కోటీశ్వరులుగా చేస్తామని మభ్యపెడుతున్న సీఎం రేవంత్రెడ్డి (CM Revanth Reddy) , ముందు అంగన్వాడీలకు జీతాలు చెల్లించాలని మాజీ మంత్రి హరీశ్రావు (Harish Rao) అన్నారు. రెండు నెలలుగా జీతాలు అందక అనేక ఇబ్బందులు ఎదుర్కొంటున్న 62వేల అంగన్వాడీ టీచర్ల కష్టాలు మీకు కనిపించడం లేదా అని ప్రశ్నించారు.
అంగన్వాడీ సిబ్బంది వేతనాలపై హరీశ్రావు ఎక్స్వేదికగా ప్రశ్నించారు. నెలల తరబడి జీతాలు ఇవ్వకుండా అంగన్వాడీ సిబ్బందిని ప్రభుత్వం వేధిస్తోందని ఆవేదన వ్యక్తం చేశారు. మహిళా శిశు సంక్షేమ శాఖ మంత్రిగా ఉన్న సీతక్క సాటి మహిళల కన్నీటి గోస అర్థం చేసుకోకపోవడం శోచనీయం అన్నారు.
Anganwadi Salaries | గౌరవాన్ని పెంచారు
అంగన్వాడీల సేవలను గుర్తించిన కేసీఆర్ వారు వర్కర్లు కాదని, టీచర్లు అని పోస్టును ఉన్నతీకరించారని హరీశ్రావు గుర్తు చేశారు. వారి గౌరవాన్ని కేసీఆర్ పెంచారన్నారు. 2014 నాటికి అంగన్వాడీ టీచర్లకు కేవలం రూ.4,200, వారి సహాయకులకు రూ.2,200 వేతనం లభించేదని తెలిపారు. బీఆర్ఎస్ అధికారంలోకి వచ్చాక టీచర్ల వేతనాన్ని రూ.13,650లకు, మినీ అంగన్వాడీ టీచర్ల వేతనాన్నిరూ.7,800లకు, అంగన్ వాడీ హెల్పర్ల వేతనాన్ని రూ.7,800 లకు పెంచినట్లు పేర్కొన్నారు. రెండు నెలలుగా పెండింగ్లో ఉన్న అంగన్వాడీల వేతనాలను చెల్లించాలని, అప్ గ్రేడ్ చేసిన మినీ అంగన్ వాడీలకు ఏడాదిగా పెండింగ్లో ఉన్న పెంచిన వేతనాలను తక్షణం చెల్లించాలని ఆయన డిమాండ్ చేశారు.
ఇది కూడా చదవండి..: Asifabad Forest Tension | ఫారెస్ట్ అధికారులను అడ్డుకున్న రైతులు.. ఆసిఫాబాద్ జిల్లాలో ఉద్రిక్తత
