అక్షరటుడే, ఇందూరు : Yoga Day Awareness | యోగాతో ఆరోగ్యం పదిలంగా ఉంటుందని.. ప్రతిఒక్కరూ యోగా చేసేందుకు ఆసక్తి చూపాలని ఎమ్మెల్యే ధన్పాల్ (MLA Dhanpal) సూర్యనారాయణ అన్నారు. నగరంలోని ఎమ్మెల్యే క్యాంప్ కార్యాలయంలో యోగా దినోత్సవ కరపత్రాలను ఆవిష్కరించారు.
Yoga Day Awareness | 21న యోగా దినోత్సవం..
ఈ సందర్భంగా ఆయన మాట్లాడుతూ.. 12వ అంతర్జాతీయ యోగా దినోత్సవాన్ని ఆదివారం నిర్వహించుకోనున్నట్లు ఆయన తెలిపారు. ప్రతిఒక్కరూ యోగా చేయాలని.. అయితేనే ఆరోగ్యమైన సమాజం రూపుదిద్దుకుంటుందన్నారు. ప్రపంచంలోని 177 దేశాలు యోగా దినోత్సవాన్ని ఘనంగా జరుపుకుంటున్నాయన్నారు. ఈ కార్యక్రమంలో జిల్లా యోగా ఆయుష్ నోడల్ అధికారి డాక్టర్ జె గంగాదాస్, రెడ్క్రాస్ రాష్ట్ర కార్యవర్గ సభ్యులు తోట రాజశేఖర్, జిల్లా అధ్యక్షుడు ఆంజనేయులు, జిల్లా యాత్ ఆఫీసర్ రమేష్, ఆయుష్ డీపీఎం వందన, డాక్టర్ తిరుపతి, ఆయుష్ ఫార్మిసిస్ట్లు ఆయుష్ పురుషోత్తం, ఉమాప్రసాద్, యోగా అసోసియేషన్ ప్రతినిధులు సంగీత, ఆయుష్ శాఖ సిబ్బంది రమేష్, విశాల్ పాల్గొన్నారు.
ఇది కూడా చదవండి..: Drunk and Drive Case 1 | డ్రంక్ అండ్ డ్రైవ్పై ఉక్కుపాదం.. 434 మందికి కోర్టు శిక్ష
