అక్షరటుడే వెబ్డెస్క్: Siddaramaiah Resignation | కర్ణాటక రాజకీయాల్లో గురువారం ఒక ఊహించని కీలక పరిణామం చోటుచేసుకుంది. రాష్ట్ర ముఖ్యమంత్రి పదవికి సిద్ధరామయ్య( Siddaramaiah) రాజీనామా చేశారు. కాంగ్రెస్ హైకమాండ్ (అధిష్ఠానం) ఆదేశాల మేరకు తాను ఈ నిర్ణయం తీసుకున్నట్లు ఆయన స్వయంగా వెల్లడించారు. ఈ రాజీనామాతో కర్ణాటకలో గత కొంతకాలంగా కాంగ్రెస్ పార్టీలో అంతర్గతంగా సాగుతున్న నాయకత్వ వివాదానికి ఎట్టకేలకు తెరపడినట్లయింది.
Siddaramaiah Resignation | గవర్నర్ సెక్రటరీకి లేఖ అందజేత..
రాజీనామా సమర్పించేందుకు సిద్ధరామయ్య రాజ్ భవన్కు వెళ్లిన సమయంలో గవర్నర్ థావర్చంద్ గెహ్లాట్ అందుబాటులో లేరు. ప్రస్తుతం ఆయన రాష్ట్రం వెలుపల ఉండటంతో.. సిద్ధరామయ్య తన రాజీనామా పత్రాన్ని గవర్నర్ ప్రత్యేక కార్యదర్శి ప్రభు శంకర్కు అందజేశారు. దీనిపై గవర్నర్ సెక్రటరీ స్పందిస్తూ.. సీఎం ఇచ్చిన రాజీనామా లేఖను తాము స్వీకరించామని, ఈ రాత్రికి గవర్నర్ తిరిగి బెంగళూరు చేరుకున్న తర్వాతే దీనిపై అధికారికంగా నిర్ణయం తీసుకుని, ఆమోదిస్తారని స్పష్టం చేశారు.
Siddaramaiah Resignation | ప్రెస్ మీట్లో సిద్ధరామయ్య భావోద్వేగం..
రాజీనామా అనంతరం ఏర్పాటు చేసిన విలేకరుల సమావేశంలో సిద్ధరామయ్య తన పదవీకాలాన్ని గుర్తుచేసుకుంటూ కాస్త భావోద్వేగానికి లోనయ్యారు. “పార్టీ అధిష్ఠానం సూచన మేరకే నా పదవికి రాజీనామా చేశాను. గవర్నర్ రాత్రికి తిరిగి వస్తారు కాబట్టి రాజ్యాంగ ప్రక్రియ ప్రకారం ఆయన దీనిని ఆమోదిస్తారనే నమ్మకం ఉంది. అసెంబ్లీలో మాకు స్పష్టమైన మెజారిటీ ఉంది. కాబట్టి కొత్త ప్రభుత్వాన్ని ఏర్పాటు చేసేందుకు తదుపరి ముఖ్యమంత్రికి అవకాశం ఇవ్వడం రాజ్యాంగబద్ధమైన ప్రక్రియ. నాకు ఇన్నాళ్లు సీఎంగా సేవలు అందించే అవకాశం కల్పించిన సోనియా గాంధీ, రాహుల్ గాంధీ, మల్లికార్జున ఖర్గేలకు నా హృదయపూర్వక కృతజ్ఞతలు” అని సిద్ధరామయ్య పేర్కొన్నారు.
Siddaramaiah Resignation | డీకే శివకుమార్కు లైన్ క్లియర్?
సిద్ధరామయ్య తప్పుకోవడంతో కర్ణాటక తదుపరి ముఖ్యమంత్రిగా డిప్యూటీ సీఎం డీకే శివకుమార్ బాధ్యతలు చేపట్టేందుకు మార్గం సుగమమైంది. కాంగ్రెస్ పార్టీలోని మెజారిటీ నాయకులు, ప్రజాప్రతినిధులు కూడా ముఖ్యమంత్రి పీఠాన్ని అధిష్టించడానికి డీకే శివకుమార్కే తమ పూర్తి మద్దతు ప్రకటించినట్లు తెలుస్తోంది.
ఇది కూడా చదవండి: Rythu DISCOM | కాంగ్రెస్ ‘రైతు డిస్కం’పై సమరం – రేపు ఈఆర్సీ ముందుకు కేటీఆర్ టీమ్
