అక్షరటుడే, నిజామాబాద్ అర్బన్: Hidden Treasure | గుప్తనిధుల కోసం పూజలు చేస్తున్నారనే ఘటన నిజామాబాద్ నగరంలో (Nizamabad City) కలకలం రేపింది. నాలుగో టౌన్ పరిధిలో ఈ ఘటన వెలుగుచూసింది.
Hidden Treasure | 20 డివిజన్ ఎల్లమ్మగుట్ట ప్రాంతంలో..
నిజామాబాద్ నగరంలోని 20 డివిజన్ పరిధి ఎల్లమ్మగుట్ట(Yellammagutta) ప్రాంతంలో ఓ మహిళ తన సొంత స్థలంలో గుప్త నిధుల కోసం తవ్వకాలు జరుపుతున్నట్లుగా స్థానికులు ఆరోపిస్తున్నారు.
ఆమె గత నాలుగైదు రోజులుగా రాత్రివేళల్లో తడకలతో షెడ్లు వేసి అందులో గుంతులు తవ్విస్తున్నట్లుగా స్థానికులు తెలిపారు. ఈ విషయమై శనివారం సదరు మహిళను ప్రశ్నించగా ఆమె అక్కడి నుంచి వెళ్లిపోయిందని వారు పేర్కొన్నారు.
సమాచారం అందుకున్న నాలుగో టౌన్ పోలీసులు (Nizamabad Police) సంఘటనా స్థలానికి చేరుకున్నారు. స్థానికుల నుంచి వివరాలు సేకరిస్తున్నారు. అయితే డివిజన్లో గుప్తనిధుల కోసం తవ్వకాలు జరుపుతున్నారని తెలియడంతో స్థానికులు భయభ్రాంతులకు గురయ్యారు.
