అక్షరటుడే, నిజామాబాద్ సిటీ/ఆర్మూర్: RTA Vehicle Inspections | జిల్లావ్యాప్తంగా ఆర్టీఏ అధికారులు తనిఖీలను ముమ్మరం చేశారు. ఫిట్నెస్ లేకుండా రోడ్లపైకి వస్తున్న బస్సులను పరిశీలిస్తూ జరిమానాలు విధిస్తున్నారు.
RTA Vehicle Inspections | నిజామాబాద్ నగరంలో..
నిజామాబాద్ (Nizamabad) నగరంలో డిప్యూటీ ట్రాన్స్పోర్ట్ కమిషనర్ దుర్గా ప్రమీల ఆదేశాల మేరకు ఆర్టీవో సంతోష్ నాయక్ తనిఖీలు చేపట్టారు. ఉదయాన్నే విద్యార్థులతో రోడ్ల పైకి వచ్చిన బస్సులను పరిశీలించారు. బస్సు ఫిట్నెస్, డ్రైవర్ల లైసెన్స్లు, ఫస్ట్ ఎయిడ్ కిట్స్, ఫైర్ సేఫ్టీ పరికరాలను క్షుణ్ణంగా తనిఖీ చేశారు. అనంతరం ఆయన మాట్లాడుతూ.. జిల్లా వ్యాప్తంగా 800కు పైగా స్కూల్ బస్సులు ఉండగా కొన్ని ఇంకా ఫిట్నెస్ పూర్తి చేసుకోలేదన్నారు. ఈ తనిఖీల ప్రక్రియ నిరంతరంగా సాగుతుందని.. బస్సులతో వాహనదారులు రోడ్లపై ప్రయాణించేటప్పుడు తప్పనిసరిగా తమ వెంట లైసెన్స్, ధ్రువపత్రాలు తీసుకెళ్లాలన్నారు. ఆర్టీఏ అధికారులకు సహకరించాలని కోరారు.
RTA Vehicle Inspections | ఆర్మూర్ పట్టణంలో..
పట్టణంలో గురువారం ఆర్మూర్ ఎంవీఐ రాహుల్ కుమార్ ఆధ్వర్యంలో వాహనాల తనిఖీ నిర్వహించారు. ఈ సందర్భంగా పరిమితికి మించి స్కూల్ విద్యార్థులను తరలిస్తున్న ఆటోలను సీజ్ చేశారు. స్కూల్ బస్సులు తప్పనిసరిగా ఫిట్నెస్ చేయించుకోవాలని, వాహనపత్రాలు డ్రైవింగ్ లైసెన్స్లు తప్పనిసరి అన్నారు. నిబంధనలకు విరుద్ధంగా వ్యవహరిస్తే వాహనాలను సీజ్ చేసి ఆర్టీఏ యాక్ట్ ప్రకారం చర్యలు తీసుకుంటామని హెచ్చరించారు. ఈ కార్యక్రమంలో ఏఎంవీఐ రోహిత్ రెడ్డి, సిబ్బంది పాల్గొన్నారు.
ఇది కూడా చదవండి..: Kidney Cancer Awareness | ప్రపంచ కిడ్నీ క్యాన్సర్ డే – ముందస్తు గుర్తింపుతో కిడ్నీ క్యాన్సర్కు చెక్ : డా. అజయ్ కుమార్ పాటిల్
