అక్షరటుడే, ఆర్మూర్: BRSV Leaders Arrest | పెండింగ్లో ఉన్న ఫీజు రీయింబర్స్మెంట్ (Fee Reimbursement) బకాయిలను వెంటనే విడుదల చేయాలని పోరాడుతున్న తమను అక్రమంగా అరెస్ట్ చేయడం సిగ్గుచేటని బీఆర్ఎస్వీ నాయకులు పేర్కొన్నారు. పట్టణంలో బుధవారం ఆందోళన నిర్వహిస్తున్న నాయకులను పోలీసులు అదుపులోకి తీసుకుని ఆర్మూర్ పోలీస్స్టేషన్ (Armoor Police Station)కు తరలించారు.
BRSV Leaders Arrest | అక్రమ అరెస్ట్లతో ఉద్యమాన్ని ఆపలేరు..
ఈ సందర్భంగా నాయకులు మాట్లాడుతూ.. అక్రమ అరెస్ట్లతో ఉద్యమాన్ని ఆపలేరని, ఫీజు రీయింబర్స్మెంట్ బకాయిలు పూర్తిగా విడుదల చేసే వరకు ఉద్యమం ఎట్టి పరిస్థితుల్లోనూ ఆగదని స్పష్టం చేశారు. ప్రజాస్వామ్య హక్కుల కోసం పోరాటం చేస్తున్న వారిపై దమనకాండ కొనసాగించడం ప్రభుత్వ వైఫల్యానికి నిదర్శనమన్నారు. చేతకాని ప్రభుత్వ వైఖరిని తీవ్రంగా ఖండిస్తూ, విద్యార్థుల సమస్యలను వెంటనే పరిష్కరించి బకాయిలను విడుదల చేయాలని ప్రభుత్వాన్ని డిమాండ్ చేశారు. కార్యక్రమంలో పార్టీ మండలాధ్యక్షుడు అగ్గు క్రాంతి, బీఆర్ఎస్వీ జిల్లా నాయకులు మీరా శ్రావణ్, షాహిద్ అలీ తదితరులు పాల్గొన్నారు.
ఇది కూడా చదవండి..: Congress Bhavan | రాష్ట్రంలోని అన్ని జిల్లాల్లో కాంగ్రెస్ భవనాలు: టీపీసీసీ చీఫ్
