అక్షరటుడే, ఇందూరు: Urban Development Focus | అధికారులు అర్బన్ నియోజకవర్గంపై దృష్టి పెట్టాల్సిన అవసరం ఉందని.. ప్రభుత్వ సంకల్పానికి అనుగుణంగా పనిచేయాలని అర్బన్ ఎమ్మెల్యే ధన్పాల్ సూర్యనారాయణ (MLA Dhanpal) అన్నారు. జిల్లా కలెక్టరేట్లో శుక్రవారం ప్రజాపాలన ప్రగతి ప్రణాళిక జిల్లాస్థాయి సమావేశం నిర్వహించారు. ఈ సమావేశంలో ఎమ్మెల్యే మాట్లాడారు.
Urban Development Focus | నగరంలో అనేక సమస్యలు
ఎమ్మెల్యే మాట్లాడుతూ.. అన్ని శాఖల అధికారులు అర్బన్ విషయంలో ప్రతి పథకంపై దృష్టి సారించాలని సూచించారు. నివేదికలు ఇస్తున్నారు కానీ 99 రోజుల్లో ఏం చేశారో చెప్పలేదన్నారు. ప్రతి శాఖ నివేదికలు ఒకలా ఉంటే క్షేత్రస్థాయిలో ప్రగతి మరోలా ఉంటుందన్నారు. నిజామాబాద్ అర్బన్లో (Nizamabad Urban) అనేక సమస్యలు ఉన్నాయని కలెక్టర్ దృష్టికి తీసుకువచ్చారు. ప్రధానంగా నూతన బస్టాండ్ (Bus stand) నిర్మాణం, యంగ్ ఇండియా ఇంటిగ్రేటెడ్ స్కూల్(Young India Integrated School), ఇంటిగ్రేటెడ్ మార్కెట్ కేటాయింపు, డబుల్ బెడ్ రూమ్ ఇల్లు ఇలా అనేకం ఉన్నాయన్నారు. ముఖ్యంగా యూజీడీ వర్క్ నత్తనడకన కొనసాగుతుందన్నారు. జిల్లాలో ఇతర నియోజకవర్గాల్లో జరుగుతున్నంత వేగంగా అర్బన్లో పథకాలు అందడం లేదన్నారు. కార్యక్రమంలో రూరల్ ఎమ్మెల్యే భూపతిరెడ్డి, ఉర్దూ అకాడమీ ఛైర్మన్ తాహెర్ బిన్ హందాన్, కలెక్టర్ ఇలా త్రిపాఠి తదితరులు పాల్గొన్నారు.
