అక్షరటుడే, ఆర్మూర్: Armoor Political Tension | ఆర్మూర్లో(Armoor) హైటెన్షన్ వాతావరణం నెలకొంది. కాంగ్రెస్, బీజేపీ నేతల పోటాపోటీ సవాళ్లతో నియోజకవర్గంలో ఉద్రిక్తత చోటు చేసుకుంది.
Armoor Political Tension | ఎవరికి వారు మంతనాలు..
కాంగ్రెస్ పార్టీ ఆధ్వర్యంలో ‘చలో అంకాపూర్’నకు పిలుపునివ్వగా ఆ పార్టీ ఆర్మూర్ నియోజకవర్గ ఇన్ఛార్జి వినయ్ కుమార్ రెడ్డిని (Vinay Kumar Reddy) పోలీసులు ఉదయాన్నే హౌస్ అరెస్ట్ చేశారు. మరోవైపు ఆర్మూర్ ఎమ్మెల్యే పార్టీ రాకేష్ రెడ్డి(Mla Rakesh Reddy) అంకాపూర్లోని తన నివాసంలో ఉన్నారు. బీజేపీ నాయకులతో ఉదయాన్నే సమావేశంలో పాల్గొన్నారు. నాయకులు కార్యకర్తలతో కలిసి కాంగ్రెస్లో తనస్థాయి నాయకుడితో కలిసి యుద్ధానికి సిద్ధం అంటూ భీష్మించుకొని ఇంటి వద్ద కూర్చున్నారు.
Armoor Political Tension | ఎక్కడికక్కడే అరెస్ట్లు..
మరోవైపు ఆర్మూర్ నియోజకవర్గంలోని నందిపేట్, డొంకేశ్వర్, మాక్లూర్, ఆర్మూర్, ఆలూర్ మండలాల్లోని బీజేపీ, కాంగ్రెస్ నాయకులను పోలీసులు ఎక్కడికక్కడ హౌస్ అరెస్ట్ చేశారు. మరోవైపు ఆదివారం సాయంత్రమే పలువురు కీలక నేతలకు పోలీసులు నోటీసులు జారీ చేసిన విషయం తెలిసిందే. ఇప్పటికే అప్రమత్తమైన పోలీస్శాఖ ఆర్మూర్లో బీఎన్ఎస్ 163 సెక్షన్ విధించింది. ఐదుగురి కంటే ఎక్కువ మంది కలిసి తిరిగితే కఠిన చర్యలు తీసుకుంటామని ఎస్హెచ్వో సత్యనారాయణ హెచ్చరించారు.
ఇది కూడా చదవండి : చలో అంకాపూర్కు కాంగ్రెస్ పిలుపు.. తన నివాసంలో సిద్ధంగా ఉన్న ఎమ్మెల్యే రాకేశ్ రెడ్డి
