అక్షరటుడే, డిచ్పల్లి: Darpalli Suicide Case | ప్రాణంగా ప్రేమించిన అమ్మాయి మోసం చేసిందని ఓ యువకుడు నిండు ప్రాణాలు తీసుకున్నాడు. చనిపోయే ముందు సెల్ఫీ వీడియో తీసి తన బాధను వెల్లడించాడు. ఈ ఘటన నిజామాబాద్ జిల్లా (Nizamabad District) ధర్పల్లి మండలం మరియా తండాలో చోటు చేసుకుంది.
Darpalli Suicide Case | మరొకరితో పెళ్లికి సిద్ధం కావడంతో..
మరియ తండాకు చెందిన బానోత్ విజయ్(22) స్థానికంగా ఓ యువతిని కొన్నాళ్లుగా ప్రేమించాడు. అయితే ఆ యువతి విజయ్తో కాకుండా మరొకరితో పెళ్లికి సిద్ధమైందని అని వీడియోలో తెలిపాడు. అమ్మా,నాన్నలు బాగుండాలని తన వద్ద ఉన్న మొబైల్ ఫోన్లో సెల్ఫీ వీడియో తీసుకున్నాడు. తన వెంట తెచ్చుకున్న పురుగుల మందు తాగి ఆత్మహత్య చేసుకున్నాడు. సమాచారం అందుకున్న పోలీసులు సంఘటనా స్థలానికి చేరుకుని విచారణ చేశారు. అతడి వద్ద ఉన్న మొబైల్లోని వీడియో ఆధారంగా ప్రేమించిన యువతి వదిలేసిందనే కారణంగా ఆత్మహత్య చేసుకుంటున్నట్లుగా పోలీసులు నిర్ధారించారు. దీనిపై కేసు నమోదు చేసుకుని పోలీసులు విచారణ చేపట్టారు.
ఇది కూడా చదవండి..: BRS Public Apology | స్పీకర్కు బీఆర్ఎస్ బహిరంగ క్షమాపణ చెప్పాలి
