అక్షరటుడే, వెబ్డెస్క్ : DSP Bhim Reddy | డీఎస్పీ భీమ్ రెడ్డి కేసులో ఏసీబీ దూకుడు పెంచింది. ఆయన బినామీల ఇళ్లలో సోదాలు చేపట్టింది. 8 మంది బినామీల నివాసాల్లో గురువారం అధికారులు తనిఖీలు చేశారు.
డీఎస్పీ భీమ్రెడ్డి (DSP Bhim Redd)పై ఆదాయానికి మించిన ఆస్తుల కేసు నమోదు అయిన విషయం తెలిసిందే. గతంలో అధికారులు ఆయన నివాసాల్లో సోదాలు చేసి భారీగా అక్రమాస్తులు గుర్తించారు. జూలై 2న 16 చోట్ల దాడులు నిర్వహించి, సుమారు రూ. 150-300 కోట్ల విలువైన అక్రమ ఆస్తులను వెలికి తీశారు. ఇందులో విలాసవంతమైన విల్లా, ఫ్లాట్లు, 50 ఎకరాలకు పైగా భూమి, బంగారం, నగదు ఉన్నాయి. అయితే ఆయన బినామీల ద్వారా లావాదేవీలు నిర్వహించినట్లు అధికారులు గుర్తించారు.
DSP Bhim Reddy | భారీగా నగదు స్వాధీనం
ఈ మేకు DSP భీమ్ రెడ్డికి సంబంధించిన 8 మంది బినామీలను ACB గుర్తించింది. ACB DSP గంగసాని శ్రీధర్ నేతృత్వంలో హైదరాబాద్లోని పుప్పలగూడలో ఉన్న ఆ బినామీల ఇళ్లపై తాజాగా ఆకస్మిక దాడులు జరుగుతున్నాయి. రాయదుర్గంలోని పంచవటి కాలనీలో కూడా సోదాలు కొనసాగుతున్నాయి. ఆ DSPకి సంబంధించిన ఆస్తి పత్రాలను అధికారులు పరిశీలిస్తున్నారు. తనిఖీల్లో భారీగా నగదును అధికారులు స్వాధీనం చేసుకున్నారు.
ఇది కూడా చదవండి..: Telangana Land Inquiry | రాష్ట్రంలో భూ అక్రమాలపై విచారణకు కమిటీ ఏర్పాటు
