అక్షరటుడే, వెబ్డెస్క్: Fake Accreditation Card | వాట్సప్తో పాటు ఇతర సామాజిక మాధ్యమాల్లో పి. శ్రీనివాస్ అనే వ్యక్తి పేరుతో నకిలీ మీడియా అక్రెడిటేషన్ కార్డు చెలామణి అవుతున్న నేపథ్యంలో పోలీసులకు ఫిర్యాదు చేసినట్లు నిజామాబాద్ జిల్లా పౌర సంబంధాల అధికారిణి ఎన్. పద్మశ్రీ తెలిపారు.
ఈ మేరకు విడుదల చేసిన ప్రకటనలో.. సదరు అక్రెడిటేషన్ కార్డు సమాచార పౌర సంబంధాల శాఖ, నిజామాబాద్ జిల్లా కార్యాలయం నుంచి జారీ కాలేదని స్పష్టం చేశారు.
IAS Officer Y. Srilaxmi | శిఖరం నుంచి పతనం.. మళ్లీ బాధ్యతల వైపు : వై. శ్రీలక్ష్మి పరిపాలనా ప్రయాణం
Fake Accreditation Card | కలెక్టర్ సంతకం ఫోర్జరీ
జిల్లా కలెక్టర్ సంతకాన్ని ఫోర్జరీ చేసి నకిలీ కార్డును తయారు చేసినట్లు గుర్తించిన వెంటనే చట్టపరమైన చర్యలు తీసుకోవాలని కోరుతూ పోలీసులకు లిఖితపూర్వకంగా ఫిర్యాదు చేసినట్లు వెల్లడించారు.
ఇలాంటి నకిలీ, బోగస్ మీడియా అక్రెడిటేషన్ కార్డులను తయారు చేయడం, వినియోగించడం చట్టవిరుద్ధమని పేర్కొన్న ఎన్. పద్మశ్రీ.. అలాంటి చర్యలకు పాల్పడే వారిపై కఠిన చట్టపరమైన చర్యలు తీసుకుంటామని హెచ్చరించారు. ప్రజలు, ప్రభుత్వ శాఖలు అక్రెడిటేషన్ కార్డుల విషయంలో అప్రమత్తంగా ఉండాలని ఆమె సూచించారు.
