అక్షరటుడే, వెబ్డెస్క్: Fertilizer Booking | రాష్ట్రంలో ఇక నుంచి ఎరువులు కొనుగోలు చేయాలంటే యాప్ ద్వారానే బుక్ చేసుకోవాల్సి ఉంటుంది. ఈ విధానం ఈ నెల 6 నుంచి అమలులోకి రానుంది.
తెలంగాణ (Telangana)లో ప్రస్తుతం యూరియా బుకింగ్ యాప్ ద్వారా సాగుతోంది. ఫెర్టిలైజర్ యాప్లో యూరియా బుక్ చేసుకొని.. నిర్ణిత గడువులోగా సంబంధిత డీలర్ వద్దకు వెళ్లి తెచ్చుకోవాలి. ఈ విధానంతో రైతులు చాలా ఇబ్బందులు పడుతున్నారు. స్మార్ట్ ఫోన్లు లేకపోవడం, చాలా మంది రైతులు చదువుకొని వారు ఉండటంతో బుక్ చేసుకోవడానికి తిప్పలు పడుతున్నారు. మరోవైపు ఆన్లైన్లో స్టాక్ ఎంటర్ చేసిన క్షణాల్లో ఖాళీ అవుతుండటంతో సైతం అన్నదాతలు ఆందోళన చెందుతున్నారు. యూరియా బుకింగ్ విధానంతోనే ఇబ్బందులు పడుతున్న రైతులకు ప్రభుత్వం మరో షాకింగ్ న్యూస్ చెప్పింది. డీఏపీ, ఎన్పీకే, ఎంవోపీ తదితర ఎరువులను సైతం ఇక నుంచి యాప్లోనే బుక్ చేసుకోవాలని స్పష్టం చేసింది.
Fertilizer Booking | కొత్త యాప్
ప్రస్తుతం యూరియా మినహా మిగిలిన ఎరువులను నేరుగా డీలర్ వద్దకు వెళ్లి రైతులు కొనుగోలు చేస్తున్నారు. యూరియాను మాత్రం ఫెర్టిలైజర్ యాప్ ద్వారా బుక్ చేసుకుంటున్నారు. అయితే అన్ని ఎరువుల బుకింగ్ కోసం ప్రభుత్వం కొత్త యాప్ తీసుకొచ్చింది. ఫ్రేమ్వర్క్ ఫర్ ఫెర్టిలైజర్ సేల్ (FFS) యాప్ ఇక అన్ని ఎరువులను బుక్ చేసుకోవాలి. యూరియా, ఎన్పీకే, డీఏపీ, పోటాష్ (ఎంవోపీ) ఎరువులను దీని ద్వారా బుక్ చేసుకోవచ్చు.
Fertilizer Booking | ఫార్మర్ రిజిస్ట్రేషన్ తప్పనిసరి
ఎఫ్ఎఫ్ఎస్ యాప్ ద్వారా ఎరువుల బుకింగ్ కోసం రైతులు తప్పనిసరిగా ఫార్మర్ రిజిస్ట్రేషన్ చేసుకోవాల్సి ఉంటుంది. ఫార్మర్ రిజిస్ట్రీ చేసుకోని రైతులు ఏఈవోలను సంప్రదించాలి. రిజిస్ట్రేషన్ అయ్యాక ఒక ఐడీ వస్తుంది. మీ సేవ కేంద్రాల్లో కూడా ఫార్మర్ రిజిస్ట్రేషన్ చేసుకోవచ్చు. ఎరువుల పంపిణీ పారదర్శకంగా చేపట్టడానికి ఈ విధానం తీసుకు వచ్చినట్లు ప్రభుత్వం చెబుతోంది.
Fertilizer Booking | ఇలా చేయాలి
ఫార్మర్ రిజిస్ట్రేషన్ చేసుకున్న రైతులు ఎఫ్ఎఫ్ఎస్ యాప్ను డౌన్లోడ్ చేసుకోవాలి. ఆధార్ లేదా ఫార్మర్ ఐడీ నంబర్ ఆధారంగా లాగిన్ కావాలి. అందులో భూమి వివరాలు సరి చూసుకోవాలి. ఏ పంట వేశామో యాడ్ చేయాలి. అనంతరం కావాల్సిన ఎరువులను ఎంచుకొని బుకింగ్ చేసుకోవచ్చు. ఎరువులను ఎంచుకున్న తర్వాత ఎక్కడ స్టాక్ ఉందో.. సంబంధిత డీలర్ల వివరాలు కనిపిస్తాయి. మనకు కావాల్సిన డీలర్ వద్ద బుకింగ్ చేసుకోవచ్చు. అప్పుడు ఓ క్యూర్ కోడ్ వస్తుంది. దానిని సేవ్ చేసుకొని డీలర్ వద్ద చూపించాల్సి ఉంటుంది. అప్పుడే ఎరువులు ఇస్తారు.
ఇది కూడా చదవండి..: Srisailam Inflow | శ్రీశైలం జలాశయానికి పోటెత్తిన వరద
