అక్షరటుడే, మెండోరా: Fire Accident in Mendora | దేవుడి వద్ద వెలిగించిన దీపంతో మంటలు అంటుకొని రెండు ఇళ్లు కాలిపోయాయి. ఈ ఘటన మెండోరా (Mendora)లో చోటు చేసుకుంది.
మెండోరా గ్రామానికి చెందిన కుమ్మరి రాజరాపు బక్కన్న భార్య పద్మ ఇంట్లో దేవుని వద్ద దీపం వెలిగించింది. అనంతరం బయటకు రాగానే కొద్దిసేపటికి ఇంట్లో మంటలు చెలరేగాయి. ఆ మంటలు పక్కనే ఉన్న బక్కన్న అన్న రాజేశ్వర్ ఇంటికి కూడా వ్యాపించడంతో రెండు ఇళ్లలో అగ్నిప్రమాదం సంభవించింది.
Fire Accident in Mendora | కాలిపోయిన నగదు
మంటలను గమనించిన స్థానికులు వెంటనే స్పందించి వాటిని అదుపులోకి తీసుకొచ్చారు. అయితే అప్పటికే రెండు ఇళ్లలోని సామగ్రి పూర్తిగా దగ్ధమైంది. బక్కన్న ఇంట్లో రూ.15,800 నగదుతో పాటు గృహోపకరణాలు కాలిపోగా, రాజేశ్వర్ ఇంట్లో రూ.8,000 నగదు ఇతర సామగ్రి అగ్నికి ఆహుతయ్యాయి. ఈ ఘటనలో రెండు ఇళ్లకు కలిపి సుమారు రూ.25 వేల మేర ఆస్తి నష్టం జరిగినట్లు రెవెన్యూ శాఖ ప్రాథమికంగా అంచనా వేసింది. స్థానిక అధికారులు ఘటన స్థలాన్ని పరిశీలించి వివరాలు సేకరించారు.
ఇది కూడా చదవండి..: Armoor Gas Leak | ఆర్మూర్లో గ్యాస్ లీకేజీ.. ఇద్దరికి గాయాలు
