అక్షరటుడే, వెబ్డెస్క్ : Future City Cancellation | మాజీ మంత్రి హరీశ్రావు (Harish Rao) సంచలన వ్యాఖ్యలు చేశారు. తాము అధికారంలోకి రాగానే ఫ్యూచర్ సిటీని రద్దు చేస్తామన్నారు. అమెరికా పర్యటనలో ఉన్న ఆయన ఈ వ్యాఖ్యలు చేశారు.
బీఆర్ఎస్ (BRS) అధికారంలో ఉన్న సమయంలో ఫార్మాసిటీ కోసం 16వేల ఎకరాలు భూసేకరణ చేసి ఎన్విరాన్మెంటల్ క్లియరెన్స్ తెచ్చామని హరీశ్రావు గుర్తు చేశారు. ఆ భూమిని ఫార్మాసిటీ కాకుండా వేరే అంశాల కోసం వాడితే.. రైతుల భూమి వెనక్కి ఇచ్చేయాలని చట్టం చెబుతోందన్నారు. మొన్న హైకోర్టులో కేసు విచారణకు వస్తే.. తాము ఫార్మా సిటీ రద్దు చేయడంలేదని ప్రభుత్వం అబద్ధాలు చెప్పిందన్నారు.
Future City Cancellation | రియల్ ఎస్టేట్ దందా
ఫార్మా సిటీ (Pharma City)ని కొనసాగిస్తామని కోర్టుకు చెబుతూ.. కాంగ్రెస్ ప్రభుత్వం జిమ్మిక్కులు చేస్తోందని హరీశ్రావు విమర్శించారు. ఫ్యూచర్ సిటీ పేరిట ప్రభుత్వం రియల్ ఎస్టేట్ దందా చేస్తోందని ఆరోపించారు. బీఆర్ఎస్ అధికారంలోకి రాగానే.. ఫ్యూచర్ సిటీని రద్దు చేసి, ఫార్మా సిటీని రీస్టోర్ చేస్తామని పేర్కొన్నారు. అక్కడ 75 శాతం ఫార్మాసిటీ.. 25శాతం మిగతావి ఉండాలని చూసినట్లు హరీశ్రావు తెలిపారు. కాంగ్రెస్ ప్రభుత్వం మాత్రం 75శాతం వ్యాపారం, 25 శాతమే ఫార్మా సిటీ ఉండేలా చేస్తుందని విమర్శించారు. ఫార్మాసిటీ వస్తే లక్షలాది మందికి ఉద్యోగాలు వస్తాయని పేర్కొన్నారు.
ఇది కూడా చదవండి..: Paddy Procurement | ధాన్యం కొనుగోళ్లలో ప్రభుత్వం విఫలం.. కేటీఆర్ ఆగ్రహం
