అక్షరటుడే, వెబ్డెస్క్ : PURE EV Fire Accident | సంగారెడ్డి జిల్లా (Sangareddy District) కంది మండలంలోని ప్యూర్ ఈవీ ఎలక్ట్రిక్ స్కూటీల తయారీ కంపెనీలో భారీ అగ్నిప్రమాదం సంభవించింది. గురువారం తెల్లవారుజామున పరిశ్రమలో ఒక్కసారిగా మంటలు చెలరేగాయి.
కంది మండలంలోని ప్యూర్ ఈవీ ఎలక్ట్రిక్ స్కూటీల కంపెనీ ఉంది. తెల్లవారుజామున కంపెనీ ప్రాంగణంలో మంటలు అంటుకున్నాయి. అనంతరం వేగంగా వ్యాపించాయి. దీంతో స్థానికులు భయాందోళనకు గురయ్యారు. వెంటనే అగ్ని మాపక సిబ్బందికి సమాచారం అందించారు. వారు ఘటనా స్థలానికి చేరుకొని మూడు ఫైరింజన్లతో మంటలు ఆర్పి వేశారు.
PURE EV Fire Accident | భారీగా ఆస్తి నష్టం
విద్యుత్ స్కూటీల పరిశ్రమలో ప్రమాదంతో భారీగా ఆస్తి నష్టం జరిగినట్లు సమాచారం. .కోటికి పైగా నష్టం జరిగినట్లు అంచనా వేస్తున్నారు. ఈ ప్రమాదంలో ఎలాంటి ప్రాణనష్టం జరగలేదు. అయితే ప్రమాదానికి గల కారణాలు తెలియరాలేదు. పోలీసులు కేసు నమోదు చేసుకొని దర్యాప్తు చేస్తున్నారు.
ఇది కూడా చదవండి..: SDRF Personnel Rescue | గల్లంతైన వారిలో 10 మంది ఎస్డీఆర్ఎఫ్ సిబ్బంది సురక్షితం
