అక్షరటుడే, వెబ్డెస్క్: Gandhi Bhavan Meeting | పార్టీలో క్రమశిక్షణరాహిత్యంపై పీసీసీ చీఫ్ మహేశ్కుమార్ గౌడ్ సీరియస్ అయ్యారు. వివిధ నియోజకవర్గాల్లో కాంగ్రెస్ నాయకుల మధ్య పెరుగుతున్న క్రమశిక్షణా రాహిత్యం, విభేదాల అంశాన్ని తీవ్రంగా పరిగణనలోకి తీసుకున్నారు.
ఆరోగ్య శాఖ మంత్రి దామోదర రాజనర్సింహ (Damodara Rajanarsimha), జుక్కల్ ఎమ్మెల్యే లక్ష్మీకాంతారావుల మధ్య నెలకొన్న వివాదానికి సంబంధించి, ఈ అంశంపై చర్చించేందుకు గురువారం గాంధీ భవన్‌లో జరిగే సమావేశానికి హాజరు కావాలని టీపీసీసీ చీఫ్ వారిద్దరినీ ఆదేశించారు. ఇతర నియోజకవర్గాల్లో ఇటీవల చోటుచేసుకున్న క్రమశిక్షణా రాహిత్య ఘటనలను కూడా పార్టీ పరిశీలించి, విచారణ చేపట్టనుంది.
Gandhi Bhavan Meeting | ఎమ్మెల్యే ఫిర్యాదుతో..
ఢిల్లీలో ఇండియా కూటమి ఆధ్వర్యంలో నవంబర్ 1న ర్యాలీ నిర్వహించారు. ఈ ర్యాలీకి రాష్ట్రం నుంచి మంత్రులు, కాంగ్రెస్ ఎమ్మెల్యేలు, నాయకులు వెళ్లారు. ఈ క్రమంలో జుక్కల్ ఎమ్మెల్యే లక్ష్మీకాంతారావుపై వైద్యారోగ్య శాఖ మంత్రి దామోదర రాజనర్సింహ అనుచిత వ్యాఖ్యలు చేసినట్లు సమాచారం. తనను తీవ్ర పదజాలంతో దూషించారని ఎమ్మెల్యే పార్టీకి ఫిర్యాదు చేశారు.
Gandhi Bhavan Meeting | చర్యలు తీసుకుంటారా..
ఈ క్రమంలో పీసీసీ అధ్యక్షుడు మహేశ్ గౌడ్ గురువారం ఇద్దరు నేతలను గాంధీ భవన్కు రావాలని సూచించారు. వారితో ఆయన చర్చించనున్నారు. ఇటీవల సీఎంపై కొండా సురేఖ కూతురు అనుచిత వ్యాఖ్యలు చేయడంతో ఆమెను మంత్రి పదవి నుంచి తొలగించారు. తాజాగా ఓ ఎమ్మెల్యేలపై అందరి ముందు మంత్రి నోరు పారేసుకోవడంతో.. ఆయనపై పార్టీ ఎలాంటి చర్యలు తీసుకుంటుందోననే ఉత్కంఠ నెలకొంది.
ఇది కూడా చదవండి..: Fake Currency Racket | యూట్యూబ్ వీడియోలు చూసి నకిలీ నోట్ల తయారీ
