అక్షరటుడే, వెబ్డెస్క్: Hanuman Katha Induru | ఇందూరు Induru నగరంలోని శ్రద్ధానంద్ గంజిలో నిర్వహించిన ‘హనుమాన్ కథ’ ఆధ్యాత్మిక కార్యక్రమం భక్తిశ్రద్ధల మధ్య కొనసాగింది. అయోధ్య Ayodhya శ్రీరామ జన్మభూమి ట్రస్ట్, గీతా పరివార్ అధ్యక్షులు గోవింద్ గిరిజీ మహారాజ్ ప్రవచన రూపంలో హనుమంతుడి వైభవాన్ని వివరించడం ఎంతో అద్భుతంగా ఉందని అర్బన్ ఎమ్మెల్యే ధన్‌పాల్ సూర్యనారాయణ అన్నారు.
Hanuman Katha Induru | ప్రవచనాల ద్వారా హనుమంతుడి చరిత్ర
ఈ కార్యక్రమంలో పాల్గొన్న ఎమ్మెల్యే మాట్లాడుతూ.. హనుమంతుడి చరిత్ర గురించి సాధారణంగా అందరికీ తెలిసినప్పటికీ, ఆయన జీవితంలోని అనేక విశేషాలను ప్రవచనాల ద్వారా తెలుసుకునే అవకాశం లభించడం ఆనందంగా ఉందన్నారు. గోవింద్ గిరిజీ మహారాజ్ ఇందూరుకు విచ్చేసి హనుమాన్ కథను వినిపించడం భక్తులకు ఆధ్యాత్మిక అనుభూతిని అందించిందని పేర్కొన్నారు.
Hanuman Katha Induru | యువత ఆధ్యాత్మికత వైపు అడుగులు వేయాలి
ప్రస్తుత యువత ఆధునికత, సాంకేతిక పరిజ్ఞానంలో ముందుకు సాగుతూనే భారతీయ సంస్కృతి, సంప్రదాయాలు, హిందూ దేవతల చరిత్రను కూడా తెలుసుకోవాల్సిన అవసరం ఉందని ఎమ్మెల్యే ధన్‌పాల్ సూర్యనారాయణ అన్నారు. ఆధ్యాత్మిక విలువలు వ్యక్తిత్వ వికాసానికి, ధర్మబద్ధమైన జీవనానికి మార్గదర్శకంగా నిలుస్తాయని పేర్కొన్నారు. యువత ఆధ్యాత్మికత వైపు కూడా అడుగులు వేయాలని పిలుపునిచ్చారు.
Hanuman Katha Induru | నిర్వాహకులకు అభినందనలు
హనుమాన్ కథ కార్యక్రమాన్ని భక్తిశ్రద్ధలతో నిర్వహించిన రమేష్ కుమార్, సురేష్ కుమార్ డాలియా కుటుంబ సభ్యులకు ఎమ్మెల్యే ప్రత్యేకంగా ధన్యవాదాలు తెలిపారు. ఇలాంటి ఆధ్యాత్మిక కార్యక్రమాలు సమాజంలో భక్తిభావాన్ని పెంపొందించడంతో పాటు, సనాతన ధర్మంలోని విలువలను భావితరాలకు చేరవేయడంలో కీలక పాత్ర పోషిస్తాయని పేర్కొన్నారు.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
ఈ కార్యక్రమంలో బీజేపీ జిల్లా అధ్యక్షుడు దినేష్ కులాచారి, కార్పొరేటర్లు బట్టు రాఘవేందర్, మల్కాయి మహేందర్, నాయకులు పంచారెడ్డి శ్యామ్, పవన్ ముందడ, మారావార్ కృష్ణ తదితరులు పాల్గొన్నారు. భక్తులు హనుమంతుడి మహిమలను ఆలకిస్తూ ఆధ్యాత్మిక భావనలో మునిగిపోయారు.
