అక్షరటుడే, వెబ్డెస్క్ : HYDRAA | హైదరాబాద్ నగరంలో చెరువుల పరిరక్షణకు హైడ్రా కృషి చేస్తోంది. ఓ వైపు ఆక్రమణలు తొలగిస్తోంది. మరోవైపు చెరువులు పునరుద్ధిస్తోంది. తాజాగా మూడు చెరువుల చుట్టూ ఫెన్సింగ్ వేసింది.
పలు చెరువుల ఎఫ్టీఎల్ పరిధిలను రక్షిస్తూ ఫెన్సింగ్ వేసిన హైడ్రా గురువారం 3 చెరువులకు ఫెన్సింగ్ వేసింది. వీటితో పాటు.. పార్కులు, ప్రజావసరాలకు ఉద్దేశించిన స్థలాలను కూడా హైడ్రా కాపాడింది. కీసర మండలం రాంపల్లి పరిధిలోని శ్రీనివాస్ కాలనీ, సర్వే నంబరు 414/105లో ప్రజావసరాలకు ఉద్దేశించిన 1127 గజాల స్థలాన్నిహైడ్రా కాపాడింది. ఇదే ప్రాంతంలో 1797 గజాల పార్కు స్థలాన్ని కూడా హైడ్రా రక్షించింది. ఈ లే అవుట్లో పార్కు కోసం కేటాయించిన స్థలాన్ని తర్వాత విక్రయించారు. దీంతో అక్కడ చేపట్టిన తాత్కాలిక నిర్మాణాలను హైడ్రా కూల్చి వేసింది.
HYDRAA | శేరిలింగంపల్లిలో..
రంగారెడ్డి జిల్లా శేరిలింగంపల్లిలో చాకలి చెరువును కాపాడుతూ హైడ్రా ఫెన్సింగ్ వేసింది. మొత్తం 16.20 ఎకరాల చెరువు పరిధి కాగా ఇందులో దాదాపు 4 ఎకరాల వరకూ కబ్జాలకు గురౌతున్నట్టు స్థానికులు ఫిర్యాదు చేశారు. దీంతో రంగంలోకి దిగిన హైడ్రా తాత్కాలికంగా వేసిన షెడ్డులను హైడ్రా తొలగించింది. అలాగే రంగారెడ్డి జిల్లా సరూర్ నగర్ మండలంలోని ఫతుల్లగూడ చెరువుకు ఫెన్సింగ్ వేసింది. అలాగే సంగారెడ్డి జిల్లా అమీన్పూర్లోని బందంకొమ్ము చెరువును కూడా కాపాడింది.
దీనిని కూడా చదవండి : CM Revanth Reddy | సిద్దిపేట గడ్డ.. కాంగ్రెస్ అడ్డా : సీఎం రేవంత్రెడ్డి