అక్షరటుడే వెబ్డెస్క్: KTR Kannepalli Warning | రాష్ట్రంలో సాగునీటి ఎద్దడిపై బీఆర్ఎస్ వర్కింగ్ ప్రెసిడెంట్ కేటీఆర్ ( KTR )తీవ్ర హెచ్చరికలు జారీ చేశారు. కన్నెపల్లి పంప్హౌస్ వద్ద లక్ష క్యూసెక్కుల నీరు వృథాగా పోతోందని, అయినా ప్రభుత్వం పట్టించుకోవడం లేదని ఆయన ఆరోపించారు. ఒకవేళ కాంగ్రెస్ సర్కార్ సాగునీటి విషయంలో స్పందించకపోతే, 60 వేల మంది కార్యకర్తలతో కన్నెపల్లిని ముట్టడించి, పంపులను ఆన్ చేస్తామని ఆయన సవాల్ విసిరారు.
KTR Kannepalli Warning | రాజకీయాల కోసం కాదు..
జయశంకర్ భూపాలపల్లి జిల్లా కన్నెపల్లి పంప్హౌస్ సందర్శన అనంతరం కేటీఆర్ మీడియాతో మాట్లాడారు. “మేము ఇక్కడికి రాజకీయ విమర్శలు చేయడానికి రాలేదు, రైతుల కష్టాలను చూడటానికి వచ్చాం. కేసీఆర్ హయాంలో మహారాష్ట్ర ప్రభుత్వంతో సంప్రదింపులు జరిపి కాళేశ్వరాన్ని పూర్తి చేశాం. కేసీఆర్కు వారం రోజులు బాధ్యతలు అప్పగిస్తే, తెలంగాణలోని ప్రతి అంగుళానికి నీరు అందిస్తారు” అని ఆయన ధీమా వ్యక్తం చేశారు.
KTR Kannepalli Warning | అడ్డంకులను అధిగమించి..
కేటీఆర్ పర్యటనను అడ్డుకునేందుకు పోలీసులు చేసిన ప్రయత్నాలను బీఆర్ఎస్ శ్రేణులు తిప్పికొట్టాయి. పలుచోట్ల పోలీసులతో వాగ్వాదానికి దిగి, బారికేడ్లను దాటుకుని మరీ పంప్హౌస్ వద్దకు చేరుకున్నారు. ప్రభుత్వం ప్రాజెక్టును పట్టించుకోకపోవడం వల్ల సాగునీటితో పాటు హైదరాబాద్కు తాగునీటి కష్టాలు కూడా మొదలయ్యాయని ఆయన ఆవేదన వ్యక్తం చేశారు.
KTR Kannepalli Warning | ప్రభుత్వాన్ని నిలదీయాలి..
కాళేశ్వరం ప్రాజెక్టు సామర్థ్యాన్ని కాంగ్రెస్ ప్రభుత్వం వృథా చేస్తోందని కేటీఆర్ మండిపడ్డారు. వర్షాలు లేకపోయినా కన్నెపల్లి వద్ద నీరు అందుబాటులో ఉందని, వాటిని బీడు భూములకు మళ్లించడంలో సర్కార్ విఫలమైందని విమర్శించారు. రైతుల ప్రయోజనాలే ప్రభుత్వానికి ప్రాధాన్యత కావాలని, లేని పక్షంలో రైతులు స్వయంగా వచ్చి ప్రభుత్వాన్ని నిలదీయాలని ఆయన పిలుపునిచ్చారు.
ఇది కూడా చదవండి: Bridge Approach Roads | అసంపూర్తి వంతెనకు నిధుల మంజూరుపై హర్షం..
