Illegal Constructions | అక్రమ నిర్మాణాలను అరికట్టాలి

అక్షరటుడే, నిజామాబాద్​ సిటీ: Illegal Constructions | నగరంలోని (Nizamabad) 8వ డివిజన్​లో అక్రమ నిర్మాణాలను, కబ్జాలను అరికట్టాలని డివిజన్​ కార్పొరేటర్​ మఠం పవన్​ పేర్కొన్నారు. కలెక్టరేట్​లోని ప్రజావాణిలో మున్సిపల్​ కమిషనర్​ దిలీప్​కుమార్​కు (Nizamabad Municipal Corporation) వినతిపత్రం అందజేశారు.

Illegal Constructions | దర్జాగా మున్సిపల్​ నిబంధనల ఉల్లంఘన..

ఈ సందర్భంగా కార్పొరేటర్​ మఠం పవన్​ మాట్లాడుతూ.. డివిజన్​లోని పలు కాలనీల్లో అక్రమ నిర్మాణాలు, రోడ్ల కబ్జా, మున్సిపల్ నిబంధనల ఉల్లంఘన దర్జాగా సాగుతోందని మఠం పవన్​ వివరించారు. అధికారుల నిర్లక్ష్యం కారణంగానే ఇలా జరుగుతోందని ఆరోపించారు. కొంతమంది బిల్డర్లు, భూకబ్జాదారులు ప్రభుత్వ భూములు, రోడ్లను కబ్జా చేసి అక్రమంగా నిర్మాణాలు చేపడుతున్నారన్నారు. ప్రత్యేకించి రోడ్లపై ర్యాంప్​లు వేయడం వల్ల ప్రజలు రోడ్లపై నడవడానికి కూడా వీలులేకుండా పోయిందని పేర్కొన్నారు.

Illegal Constructions | కబ్జాలతో నిలిచిపోతున్న మురికినీరు

కబ్జాల కారణంగా వర్షాకాలంలో వర్షం, మురికి నీరు వెళ్లడానికి ఎలాంటి దారి లేకుండా పోయిందని కార్పొరేటర్​ ఆరోపించారు. ఫలితంగా డివిజన్​లోని ప్రజలందరూ తీవ్ర ఇబ్బందులు పడుతున్నారని.. దోమలు, అనారోగ్య సమస్యలు కూడా పెరిగిపోతున్నాయని తెలిపారు. బిల్డర్లు ప్లానింగ్​ ఒకలాగా ఇచ్చి.. తర్వాత క్షేత్రస్థాయిలో మాత్రం ఆలా నిర్మాణాలు చేయట్లేదని పేర్కొన్నారు. అధికారులు నామమాత్రంగా నోటీసులు ఇవ్వడం తప్ప, క్షేత్రస్థాయిలో ఎలాంటి కఠిన చర్యలు తీసుకోవడం లేదని ఆరోపించారు.