అక్షరటుడే వెబ్‌డెస్క్: Instamart Gold Coins | దీపావళి పండుగ ఆరంభ సూచిక అయిన ధన్‌తేరాస్‌ను పురస్కరించుకుని, ప్రముఖ క్విక్ కామర్స్ ప్లాట్‌ఫామ్ ఇన్‌స్టామార్ట్ తమ వినియోగదారులకు సరికొత్త సౌకర్యాన్ని అందుబాటులోకి తెచ్చింది. ప్రముఖ ఆభరణాల సంస్థ కళ్యాణ్ జువెలర్స్‌తో ( Kalyan Jewellers ) భాగస్వామ్యం కుదుర్చుకుని, వారి బంగారం నాణేల కలెక్షన్‌ను ఆన్‌లైన్ డెలివరీకి అందుబాటులో ఉంచింది. సామాన్యులకు కూడా బంగారం కొనుగోలును సులభతరం చేసేందుకు 0.1 గ్రాముల బంగారం నాణేలను కూడా అందుబాటులోకి తీసుకొచ్చింది.
Instamart Gold Coins | ఉచిత వెండి నాణేలు..
పండుగ వేళ ఇన్‌స్టామార్ట్‌లో కళ్యాణ్ జువెలర్స్ గోల్డ్ కాయిన్ కొనుగోలు చేసే వినియోగదారులకు కంపెనీ ఆకర్షణీయ ఆఫర్లను అందిస్తోంది. నవంబర్ 1 నుండి 6 వరకు ప్రతిరోజూ ఇన్‌స్టామార్ట్‌లో బంగారం నాణెం కొనుగోలు చేసే మొదటి 1,000 మంది వినియోగదారులకు 1 గ్రాము ఉచిత వెండి నాణెం లభిస్తుంది. దీనికి తోడు ప్రతి బంగారం నాణే కొనుగోలుపై 5 గ్రాముల వెండి నాణేనికి సమానమైన ఉచిత డిజిటల్ డిస్కౌంట్ వోచర్‌ను అందిస్తున్నారు. ఈ వోచర్‌ను డిసెంబర్ 31, 2026 వరకు దేశవ్యాప్తంగా ఉన్న కళ్యాణ్ జువెలర్స్ స్టోర్లలో రీడీమ్ చేసుకోవచ్చు. ఇన్‌స్టామార్ట్‌లో 0.5 గ్రాముల నుండి 10 గ్రాముల వరకు బంగారం నాణేలు, 1 గ్రాము నుండి 100 గ్రాముల వరకు వెండి నాణేలు లభ్యమవుతున్నాయి.
Instamart Gold Coins | దూసుకెళ్తున్న క్విక్ కామర్స్..
పండుగలు , ప్రత్యేక సందర్భాలలో బంగారం, వెండి కొనుగోలు చేయడానికి వినియోగదారులు క్విక్ కామర్స్ ప్లాట్‌ఫామ్‌లను ఎక్కువగా ఎంచుకుంటున్నారు. గత 12 నెలల కాలంలో ఇన్‌స్టామార్ట్‌లో బంగారం కొనుగోళ్లు ఏడాది ప్రాతిపదికన 258 శాతం పెరగ్గా, వెండి కొనుగోళ్లు 185 శాతం వృద్ధిని నమోదు చేశాయి. ప్లాట్‌ఫామ్‌లో 0.5 గ్రాముల బంగారం నాణేల నుండి 1 కిలో వెండి బిస్కట్ల వరకు అమ్మకాలు జరిగాయి.
Instamart Gold Coins | బెంగళూరు టాప్..
ఇన్‌స్టామార్ట్‌లో బంగారం, వెండి కొనుగోళ్లలో బెంగళూరు నగరం దేశంలోనే అగ్రస్థానంలో నిలవగా, ముంబై, హైదరాబాద్, అహ్మదాబాద్, లక్నో, కోయంబత్తూర్, ఇండోర్, భువనేశ్వర్, విశాఖపట్నం నగరాలు తదుపరి స్థానాల్లో నిలిచాయి. బెంగళూరుకు చెందిన ఒక వినియోగదారుడు కేవలం కొన్ని గంటల వ్యవధిలోనే రూ.2,52,459 విలువైన ఐదు 50 గ్రాముల వెండి బిస్కట్లు, అలాగే గణేష్, లక్ష్మీ-గణేష్, స్వస్తిక్ డిజైన్లతో కూడిన బంగారం నాణేలను కొనుగోలు చేయడం విశేషం.
Instamart Gold Coins | అక్షయ తృతీయ రికార్డులు..
గత ధన్‌తేరాస్ సమయంలో ఇన్‌స్టామార్ట్‌లో బంగారం కొనుగోళ్లు అంతకుముందు ఏడాదితో పోలిస్తే 400 శాతానికి పైగా పెరిగాయి. ఈ ఏడాది అక్షయ తృతీయ సమయంలోనూ దాదాపు 50 శాతం వృద్ధి నమోదైంది. ముఖ్యంగా 0.5 గ్రాములు, 1 గ్రాము, 2 గ్రాముల నాణేలకు కస్టమర్ల నుంచి భారీ డిమాండ్ కనిపిస్తోంది. పండుగ వేళ శుభసూచకంగా చిన్న మొత్తాల్లో బంగారం కొనుగోలు చేసేందుకు ప్రజలు క్విక్ కామర్స్‌కే మొగ్గు చూపుతున్నట్లు ఈ గణాంకాలు స్పష్టం చేస్తున్నాయి.
ఇది కూడా చదవండి: Anganwadi Services | అంగన్వాడీ కేంద్రాల సేవలు వినియోగించుకోవాలి: కలెక్టర్ గరిమా అగ్రవాల్
