అక్షరటుడే, వెబ్డెస్క్ : Kaleshwaram Motors | కాళేశ్వరం మోటార్లను నడిపి జలాశయాలను నింపాలని మాజీ మంత్రి హరీశ్రావు (Harish Rao) డిమాండ్ చేశారు. ఈ మేరకు మంత్రి ఉత్తమ్కుమార్ రెడ్డి (Uttam Kumar Reddy)కి లేఖ రాశారు.
ఓ వైపు గోదావరిలో వరద పోతుంటే.. కాంగ్రెస్ బురద రాజకీయాలు చేస్తోందని హరీశ్రావు అన్నారు. ఎల్నినో పేరు చెప్పి బాధ్యత నుంచి తప్పించుకోవద్దన్నారు. గోదావరి (Godavari) జలాలను సద్వినియోగం చేసుకోవడానికి కేసీఆర్ (KCR) కాళేశ్వరం నిర్మించారని తెలిపారు. రాష్ట్రంలో వర్షాలు లేకపోవడంతో రైతులు ఇబ్బందులు పడుతున్నారని పేర్కొన్నారు. మరోవైపు గోదావరిలో వరద ఉన్నా.. కాంగ్రెస్ ప్రభుత్వం నీటిని ఎత్తిపోసి రిజర్వాయర్లు నింపడంలో నిర్లక్ష్యం చేస్తోందని ఆందోళన వ్యక్తం చేశారు. నీరందక పంటలు ఎండిపోతుంటే కాంగ్రెస్ నాయకులు ప్రాజెక్టుల మీద రాజకీయాలు చేస్తున్నారని మండి పడ్డారు.
Kaleshwaram Motors | డెడ్ స్టోరేజీలో రిజర్వాయర్లు
రాష్ట్రంలోని అన్నపూర్ణ, రంగనాయక సాగర్ రిజర్వాయర్ డెడ్ స్టోరేజీలో ఉన్నాయని హరీశ్రావు అన్నారు. మల్లన్న సాగర్లో ప్రస్తుతం 13 టీఎంసీలు మాత్రమే ఉండడం ఆందోళన కలిగించే పరిణామం అని పేర్కొన్నారు. ఈ ప్రాజెక్టులో నీరు ఉంటే హైదరాబాద్ తాగునీటి అవసరాలకు ఢోకా ఉండదని చెప్పారు. కొండపోచమ్మ సాగర్ జలాశయంలో 6 టీఎంసీల నీరు మాత్రమే ఉందన్నారు. వెంటనే ఎల్లంపల్లి నుంచి ఎత్తిపోతలు ప్రారంభించి మిడ్ మానేరు, అన్నపూర్ణ, రంగనాయక సాగర్, మల్లన్న సాగర్, కొండపోచమ్మ సాగర్ జలాశయాలను నింపాలని కోరారు. ప్రస్తుతం ఎల్లంపల్లి వద్ద గోదావరిలో ప్రవాహం ఉందని హరీశ్రావు తెలిపారు. నిత్యం 24 గంటల పాటు అన్ని మోటార్లు నడిపి జలాశయాలను నింపాలని డిమాండ్ చేశారు.
దీనిని కూడా చదవండి : SBI Bank Strike 2026 | బ్యాంక్ ఉద్యోగుల సమ్మె.. ఏటీఎం లావాదేవీలపై ఎస్బీఐ కీలక అప్డేట్
