అక్షరటుడే వెబ్డెస్క్:Kavitha Comments KCR|తెలంగాణ రక్షణ సేన (TRS) నాయకురాలు కల్వకుంట్ల కవిత తన తండ్రి, మాజీ ముఖ్యమంత్రి కేసీఆర్పై చేసిన విమర్శలు ఇప్పుడు రాజకీయాల్లో హాట్ టాపిక్ అయ్యాయి. ఒక మీడియా కాన్క్లేవ్లో మాట్లాడిన ఆమె, కేసీఆర్లోని రెండు కోణాలను బయటపెట్టారు. తెలంగాణ ఉద్యమ సమయంలో ఆయన ఒక గొప్ప నాయకుడని, ఆ పాత్రలో ఆయనను ఎవరూ వంక పెట్టలేరని కొనియాడారు. అయితే, ఆయన ముఖ్యమంత్రి పదవిని చేపట్టిన తర్వాతే అసలు సమస్య మొదలైందని ఆమె అభిప్రాయపడ్డారు.
Kavitha Comments KCR|ప్రజలకు దూరమైన ‘మరమనిషి’..
పరిపాలనలో కేసీఆర్ ఒక ‘మరమనిషి’ (రోబో)లా మారిపోయారని కవిత సంచలన వ్యాఖ్యలు చేశారు. కేవలం ఒక యంత్రంలా పని చేయడం వల్లే ఆయనకు ప్రజల మనోభావాలు, వారి కష్టసుఖాలు అర్థం కాలేదని విమర్శించారు. ముఖ్యమంత్రిగా ఉన్న సమయంలో ఆయన ప్రజలకు పూర్తిగా దూరమయ్యారని, అది పార్టీకి నష్టం కలిగించిందని ఆమె ఆవేదన వ్యక్తం చేశారు.
Kavitha Comments KCR|కుటుంబ సభ్యులకూ అందని కేసీఆర్..
పార్టీ అధినేతగా కేసీఆర్ ప్రవర్తన చాలా కఠినంగా ఉండేదని కవిత పేర్కొన్నారు. సొంత కుమార్తెనైనప్పటికీ, తన సమస్యలను తండ్రికి స్వేచ్ఛగా చెప్పుకునే అవకాశం కూడా ఉండేది కాదని ఆమె బయటపెట్టారు. కన్నబిడ్డలకే అందుబాటులో లేని వ్యక్తి, ఇక సామాన్య ప్రజల బాధలను ఎలా వినగలుగుతారని ఆమె ప్రశ్నించారు. ఒకప్పటి ప్రజా నాయకుడు కేవలం ఒక యంత్రంలా మారిపోవడమే ప్రస్తుత రాజకీయ పరిస్థితులకు దారితీసిందని కవిత కుండబద్ధలు కొట్టారు.
ఇది కూడా చదవండి: Komatireddy Helped Boy | మంత్రి కోమటిరెడ్డి గొప్ప మనసు.. బాలుడి చికిత్సకు చేయూత
