అక్షరటుడే వెబ్‌డెస్క్: Mahindra XUV 3XO CNG | మహీంద్రా అండ్ మహీంద్రా తన మొట్టమొదటి మెయిన్‌స్ట్రీమ్ సీఎన్‌జీ ప్యాసింజర్ వెహికల్ ‘XUV 3XO ZNG’ను అధికారికంగా లాంచ్ చేసింది. ఎక్స్‌షోరూమ్ ప్రారంభ ధర రూ.9.99 లక్షలుగా నిర్ణయించారు. సీఎన్‌జీ కార్లలో డ్రైవింగ్ అనుభవాన్ని సరికొత్త స్థాయికి తీసుకెళ్లేలా ఈ కారును అత్యాధునిక హంగులతో తీర్చిదిద్దారు.
Mahindra XUV 3XO CNG | అద్భుతమైన టర్బో పవర్ ..
పెట్రోల్ , సీఎన్‌జీ రెండు మోడ్స్‌లోనూ ఈ కారు ఒకేలా 82 kW పవర్‌ను అందిస్తుంది. అంతేకాకుండా భారతదేశంలోని సీఎన్‌జీ ప్యాసింజర్ వెహికల్స్‌లో అత్యధికంగా 200 Nm టార్క్‌ను (1,500-3,500 rpm వద్ద) ఉత్పత్తి చేస్తుంది. ఇది నగరంలో లేదా హైవేలపై ఎంతో సులభంగా వేగం పుంజుకోవడానికి సహాయపడుతుంది. సీఎన్‌జీ మోడ్‌లోనూ ఈ కారు కేవలం 4.9 సెకన్లలో 0 నుంచి 60 కి.మీ. వేగాన్ని అందుకుంటుంది.
అత్యాధునిక సీఎన్‌జీ టెక్నాలజీ ..
సెగ్మెంట్‌లో తొలిసారిగా 10-బార్ సీఎన్‌జీ ఇజెక్షన్ ప్రెజర్ సిస్టమ్‌ను ఇందులో అమర్చారు. ఇది అద్భుతమైన పనితీరును ఇస్తూనే, ఇంధన సామర్థ్యాన్ని మెరుగుపరుస్తుంది. ఈ కారు లీటరుకు/కిలోకు 24.7 కి.మీ. ధృవీకరించబడిన మైలేజీని ఇస్తుంది. తక్కువ నిర్వహణ ఖర్చుతో కూడిన టర్బో పెట్రోల్ పర్ఫార్మెన్స్‌ను ఇది అందిస్తుంది.
Mahindra XUV 3XO CNG | విశాలమైన బూట్ స్పేస్ ..
సీఎన్‌జీ సిలిండర్‌ను లగేజ్ ఏరియా కింద (అండర్‌ఫ్లో ట్విన్-సిలిండర్ ప్యాకేజింగ్) అమర్చడం ద్వారా బూట్ స్పేస్ ఏమాత్రం తగ్గకుండా చేశారు. ఇందులో 270 లీటర్ల వినియోగించుకోదగిన బూట్ స్పేస్ లభిస్తుంది. ఎంట్రీ వేరియంట్ నుంచి కూడా ఇందులో 26.03 సెంటీమీటర్ల టచ్‌స్క్రీన్ డిస్‌ప్లే, క్రూయిజ్ కంట్రోల్, రియర్ ఏసీ వెంట్లు, స్కైరూఫ్, డాల్బీ అట్మాస్ ఆడియో , బ్లాక్ లెదరెట్ సీట్లు వంటి ప్రీమియం హంగులు ఉన్నాయి.
భద్రతకు పెద్దపీట..
ప్రతి వేరియంట్‌లోనూ ప్రామాణికంగా ఆరు ఎయిర్‌బ్యాగ్‌లు, ఎలక్ట్రానిక్ ( Electronics )స్టెబిలిటీ కంట్రోల్ (ESC), ISOFIX చైల్డ్ సీట్ మౌంట్స్ అందించారు. గ్యాస్ లీక్ అయిన వెంటనే ఆటోమేటిక్‌గా పెట్రోల్ మోడ్‌కి మళ్లే ప్రత్యేక సేఫ్టీ ఫీచర్ కూడా ఇందులో ఉంది. అంతేకాకుండా ఇది అడల్ట్, చైల్డ్ ప్రొటెక్షన్‌లో 5-స్టార్ భద్రతా రేటింగ్ పొందిన ప్లాట్‌ఫామ్‌పై రూపుదిద్దుకుంది.
ఇది కూడా చదవండి: ACB Trap | 22-ఏ భూమి కోసం రూ.5 లక్షల లంచం డిమాండ్
