అక్షరటుడే, వెబ్డెస్క్ : MVSR College Incident | హైదరాబాద్ (Hyderabad) నగరంలోని నాదర్‌గుల్‌లోని ఎంవీఎస్ఆర్ ఇంజనీరింగ్ కళాశాలలో శనివారం రాత్రి దండియా (Dhandiya) కార్యక్రమం జరుగుతుండగా లైటింగ్ నిర్మాణం కూలిపోయిన విషయం తెలిసిందే. ఈ ప్రమాదంలో సోనా అనే విద్యార్థి మృతి చెందగా.. 13 మంది గాయపడ్డారు. ఈ ఘటనపై ఆదివారం విద్యార్థి సంఘాల ఆధ్వర్యంలో కాలేజీలో ఆందోళన చేపట్టారు.
ఎస్ఎఫ్ఐ (SFI) ఆధ్వర్యంలో విద్యార్థులు కాలేజీ గేటు ఎదుట నిరసన తెలిపారు. రాష్ట్ర కార్యదర్శి టి. నాగరాజు మాట్లాడుతూ.. ఈ కార్యక్రమానికి అనుమతి ఇచ్చేటప్పుడు ప్రభుత్వం, పోలీసులు భద్రతను ఎందుకు నిర్ధారించలేదని ప్రశ్నించారు. మల్లారెడ్డి కళాశాల, ప్రీతిరెడ్డి, శ్రీలీల వంటి వారి ప్రదర్శనలు ఉన్న ఇంజనీరింగ్ కళాశాలలు ప్రధానంగా డబ్బు సంపాదించడం కోసమే సాంస్కృతిక ఉత్సవాలు నిర్వహిస్తున్నాయని ఆరోపించారు.
MVSR College Incident | యాజమాన్యంపై కేసు నమోదు
ఆదిబట్ల పోలీసులు (Adibatla police) కళాశాల యాజమాన్యంపై కేసు నమోదు చేశారు. ఈ ప్రమాదం ఎలా జరిగింది, భద్రతా చర్యలు తీసుకున్నారో లేదో అని వివరాలు సేకరిస్తున్నారు. కాగా ఈ ప్రమాదంపై ముఖ్యమంత్రి రేవంత్ రెడ్డి దిగ్భ్రాంతి వ్యక్తం చేసి, సానుభూతి తెలిపారు. గాయపడిన వారికి మెరుగైన చికిత్స అందించాలన్నారు. ఈ ఘటనపై కాలేజీ యాజమాన్యం స్పందిస్తూ.. బలమైన గాలుల వల్ల లైటింగ్ స్టాండ్ కూలిపోయిందన్నారు.
దీనిని కూడా చదవండి : NHM Employees | ఎన్హెచ్ఎం ఉద్యోగుల జీతాలు తగ్గించడం అన్యాయం : కవిత
