NHM Employees | ఎన్​హెచ్ఎం ఉద్యోగుల జీతాలు తగ్గించడం అన్యాయం : కవిత

అక్షరటుడే, వెబ్​డెస్క్ : NHM Employees | నేషనల్ హెల్త్ మిషన్ (NHM) ఉద్యోగుల జీతాలు తగ్గిస్తూ ప్రభుత్వం జీవో తేవడం అన్యాయమని తెలంగాణ రక్షణ సేన (TRS) అధ్యక్షురాలు కల్వకుంట్ల కవిత (Kavitha) అన్నారు. ఎన్​హెచ్ఎం ఉద్యోగుల జేఏసీ నాయకులతో కలిసి ఆదివారం ఆమె మీడియాతో మాట్లాడారు.

రాష్ట్ర వ్యాప్తంగా 17 వేల మంది ఎన్​హెచ్ఎం ఉద్యోగులుంటే వారిలో కొంతమంది వేతనాలు రూ. 4 వేల నుంచి రూ.5 వేలు తగ్గించారని కవిత అన్నారు. రాష్ట్రంలో కరువు పరిస్థితులు ఉన్నాయని, రేట్లు పెరుగుతుండటంతో ప్రజలు ఇబ్బంది పడుతున్నారని ఆమె గుర్తు చేశారు. ఈ సమయంలో జీతాలు పెంచి ఉద్యోగులకు అండగా ఉండాల్సిన ప్రభుత్వం.. కోతలు విధించడం సరికాదన్నారు. కొందరి వేతనాలు, పెంచి మరికొందరివి తగ్గించారన్నారు.

NHM Employees | సమయానికి ఇవ్వకపోవడంతో..

వేతనాల కోసం కేంద్ర ప్రభుత్వం నిధులు ఇస్తున్నా రాష్ట్ర ప్రభుత్వం సమయానికి జీతాలు ఇవ్వడం లేదని ఆమె ఆగ్రహం వ్యక్తం చేశారు. ఎన్​హెచ్​ఎం ఉద్యోగుల (NHM Employees ) శ్రమను దోచుకుంటే చూస్తూ ఊరుకోమని హెచ్చరించారు. సీఎం రేవంత్​రెడ్డి స్పందించి వేతనాలు పెంచాలని డిమాండ్​ చేశారు. అంతేగాకుండా వారిని రెగ్యులరైజ్​ చేయాలన్నారు. లేకపోతే పెద్ద ఎత్తున ఉద్యమం చేస్తామని ఆమె హెచ్చరించారు. ఎన్​హెచ్ఎం ఉద్యోగులు ఒక్క రోజు పని మానేస్తే గ్రామీణ ఆరోగ్య వ్యవస్థ దెబ్బ తింటుందనే విషయం గుర్తు పెట్టుకోవాలన్నారు.

ఎన్​హెచ్ఎం ఉద్యోగుల జీతాలు తగ్గించడం అన్యాయం

నేషనల్ హెల్త్ మిషన్ ఉద్యోగుల జీతాలు తగ్గిస్తూ ప్రభుత్వం జీవో 1195 తేవడం అన్యాయమని టీఆర్​ఎస్​ చీఫ్​ కవిత ఆగ్రహ వ్యక్తం చేశారు. రాష్ట్ర వ్యాప్తంగా 17 వేల ఉద్యోగులుంటే వారిలో కొంతమంది వేతనాలు రూ. 4 వేల నుంచి రూ.5 వేలు తగ్గించారని మండిపడ్డారు. ఒక వైపు ధరలు పెరుగుతూ, కరువు పరిస్థితులు ఉంటే.. ద్రవ్యోల్బణం నానాటికి పెరుగుతూ ఉంటే ఉద్యోగుల జీతాలు తగ్గిస్తారా? అని ప్రశ్నించారు.

#nhmemployees #telangananews #kavitha #salarycut #aksharatoday

— Akshara Today | Telugu News (@AksharaToday) October 18, 2026

దీనిని కూడా చదవండి : Nizamabad Gambling Raid | పోలీసులకు చుక్కలు చూపించిన జూదరులు..తొమ్మిది మంది అరెస్టు!