అక్షరటుడే, వెబ్డెస్క్ : Pandu Master Accident | విశాఖ ఆనందపురం సమీపంలో రోడ్డు ప్రమాదం చోటు చేసుకుంది. ఈ ఘటనలో ఢీ షో డాన్స్ మాస్టర్ పండు తీవ్రంగా గాయపడ్డారు.
పండు మాస్టర్ (Pandu Master) తగరపువలస సమీపంలో ఓ జాతరలో డ్యాన్స్ ఈవెంట్కు హాజరు అయ్యారు. అనంతరం తిరిగి వస్తుండగా ఈ ప్రమాదం జరిగింది. తన కారును రోడ్డు పక్కన ఆపి పండు మాస్టర్ వాంతులు చేసుకుంటుండగా కోళ్ల వ్యాన్ బలంగా ఢీకొంది. ఈ ప్రమాదంలో ఆయన రెండు కాళ్లకు తీవ్ర గాయాలు అయ్యాయి. అర్ధరాత్రి ఒంటిగంట దాటిన తర్వాత ప్రమాదం జరిగినట్లు తెలిసింది.
Pandu Master Accident | ఆస్పత్రికి తరలింపు
ఈ ప్రమాదంలో పండు రెండు కాళ్లు మోకాళ్ల కింద విరిగిపోయాయి. ఒక కాలు మోకాలు కింద, మరో కాలు పాదం దగ్గర ఫ్రాక్చర్ అయింది. అలాగే నడుము భాగంలో వెన్నెముక డిస్క్ డిస్లోకేట్ అయింది. ముందుగా వెన్నెముక డిస్క్, నరాలను సెట్ చేసి.. ఆ తర్వాతే కాళ్లకు సర్జరీ చేయనున్నట్లు వైద్యులు తెలిపారు. ప్రస్తుతం ఆయనకు ఎలాంటి ప్రాణాపాయం లేదన్నారు. కాగా ఈ కోళ్లవ్యాన్ పండు మాస్టర్తో పాటు మరో రెండు వాహనాలను ఢీకొంది. ఈ ఘటనలో మరో ముగ్గురికి స్వల్ప గాయాలు అయ్యాయి. నిద్రమత్తు, అతివేగమే ప్రమాదానికి కారణమని పోలీసులు అనుమానిస్తున్నారు. ఘటన స్థలాన్ని పరిశీలించిన పోలీసులు కేసు నమోదు చేసుకొని దర్యాప్తు చేస్తున్నారు.
ఇది కూడా చదవండి..: Swayambhu Poster Release | నిఖిల్ బర్త్డే స్పెషల్.. ‘స్వయంభూ’ నుంచి పోస్టర్ రిలీజ్
