అక్షరటుడే, ఆర్మూర్: Plastic Waste Management | జిల్లాలోనే తొలిసారిగా ఆలూర్ గ్రామపంచాయతీలో రూ.32 లక్షల వ్యయంతో ప్లాస్టిక్ వేస్ట్ మేనేజ్‌మెంట్ యూనిట్ను నిర్మిస్తున్నారు. ఈ పనులను శనివారం ఎంపీడీఓ లక్ష్మారెడ్డి, ఎంపీవో గంగమోహన్ పరిశీలించారు.
Plastic Waste Management | పారిశుధ్య నిర్వహణ మెరుగు కోసం..
ఎంపీడీవో లక్ష్మారెడ్డి మాట్లాడుతూ.. జిల్లాలోనే తొలిసారిగా ఆలూర్ (Alur) గ్రామపంచాయతీలో ఈ తరహా యూనిట్ నిర్మాణం చేపట్టడం అభినందనీయమన్నారు. గ్రామంలో పారిశుధ్య నిర్వహణను మెరుగుపర్చడంతో పాటు ప్లాస్టిక్ వ్యర్థాలను శాస్త్రీయ పద్ధతిలో నిర్వహించడమే లక్ష్యంగా ఈ యూనిట్ను ఏర్పాటు చేస్తున్నట్లు అధికారులు తెలిపారు. గ్రామంలో సేకరించిన ప్లాస్టిక్ వ్యర్థాలను వేరుచేసి, రీసైక్లింగ్‌ కోసం పంపించడం ద్వారా పరిసరాలను పరిశుభ్రంగా ఉంచవచ్చని తెలిపారు. ప్లాస్టిక్ వ్యర్థాల వల్ల కలిగే పర్యావరణ కాలుష్యాన్ని తగ్గించడంతో పాటు గ్రామంలో పారిశుద్ధ్యాన్ని మరింత మెరుగుపరచడానికి ఈ యూనిట్ దోహదపడుతుందని పేర్కొన్నారు. నిర్మాణ పనులను నాణ్యతతో పూర్తి చేసి, యూనిట్ను సమర్థవంతంగా వినియోగంలోకి తీసుకురావాలని సూచించారు. ఈ కార్యక్రమంలో పంచాయతీ కార్యదర్శి రాజలింగం, కారోబార్ సంతోష్ తదితరులు పాల్గొన్నారు.
ఇది కూడా చదవండి..: Kamareddy Municipality | ఫిర్యాదులు.. ఆపై వసూళ్లు..! కామారెడ్డి బల్దియాలో నయా ట్రెండ్కు శ్రీకారం
