అక్షరటుడే, వెబ్డెస్క్: RTC Metro Common Pass | హైదరాబాద్ (Hyderabad) వాసులకు రాష్ట్ర ప్రభుత్వం త్వరలో గుడ్ న్యూస్ చెప్పింది. ఆర్టీసీ, మెట్రో కామన్ పాస్ ధరలను భారీగా తగ్గించనుంది.
రాష్ట్ర ప్రభుత్వం ప్రయాణికుల కోసం గతంలో ఆర్టీసీ, మెట్రో కామన్ పాస్ తీసుకొచ్చిన విషయం తెలిసిందే. మంత్లీ పాస్ ధరను రూ.8,500గా నిర్ణయించింది. డిప్యూటీ సీఎం భట్టి విక్రమార్క, మంత్రి పొన్నం ప్రభాకర్ కామన్ పాస్ను అట్టహాసంగా ప్రారంభించారు. అయితే ధర అధికంగా ఉందని ప్రయాణికుల నుంచి తీవ్ర విమర్శలు వచ్చాయి. ప్రైవేట్ కంపెనీల్లో చిన్న ఉద్యోగాలు చేసే వారి జీతమే రూ.15 వేల వరకు వస్తుండగా.. అందులో మెట్రో, ఆర్టీసీ పాస్ కోసం సగానికి పైగా ఎలా చెల్లిస్తారని పలువురు ప్రశ్నించారు. అంతేగాకుండా ఆ పాస్లను తీసుకోవడానికి ఎవరు ఆసక్తి చూపలేదు.
RTC Metro Common Pass | సీఎం ఆదేశాలతో..
ప్రజల నుంచి వచ్చిన వ్యతిరేకతతో సీఎం రేవంత్రెడ్డి పాస్ ధరలను తగ్గించాలని ఆదేశించారు. దీంతో అధికారులు పాస్ ధరలను తగ్గించేందుకు ప్రతిపాదనలు సిద్ధం చేశారు. నెలవారీ పాస్ ధరను రూ.8,500 నుంచి రూ.4,500కు, డెయిలీ పాస్ ధరను రూ.400 నుంచి రూ.325కు తగ్గించనున్నారు. ఈ కామన్ పాస్ ద్వారా టీజీఎస్ఆర్టీసీ సిటీ బస్సుల్లో, మెట్రో రైలులో అపరిమితంగా ప్రయాణించవచ్చు. ధరల తగ్గింపునకు సంబంధించిన ఉత్తర్వులు త్వరలోనే జారీ కానున్నాయి. కామన్ పాస్ ధరలు తగ్గితే ప్రయాణికులకు మేలు జరగనుంది.
ఇది కూడా చదవండి..: Green SM cabs | హైదరాబాద్‌లోకి వియత్నాం ఎలక్ట్రిక్ క్యాబ్స్ ‘గ్రీన్ ఎస్ఎం’.. కిలోమీటర్‌కు రూ.9 మాత్రమే! ఓలా, ఉబెర్ డ్రైవర్లలో ఆందోళన
