అక్షరటుడే, తెయూ క్యాంపస్: Telangana University Water Crisis | తెలంగాణ యూనివర్సిటీ (Telangana University) గర్ల్స్ హాస్టల్లో గత కొన్ని రోజులుగా నీటిసమస్య ఇబ్బందులు పెడుతోందని విద్యార్థినులు పేర్కొంటున్నారు. కనీస అవసరాలకు కూడా తగినంత నీరు అందుబాటులో లేకపోవడంతో వారు ఆగ్రహం వ్యక్తం చేస్తున్నారు. ఈ మేరకు గురువారం ఉదయం వారు వర్సిటీలో రోడ్డుపై బైఠాయించి ధర్నా చేశారు.
Telangana University Water Crisis | అధికారుల దృష్టికి తీసుకెళ్లినప్పటికీ..
రోజువారీ అవసరాలకు..ఇతరత్ర పనులకు నీళ్లు లేకపోవడంతో తీవ్ర ఇబ్బందులు ఎదుర్కొంటున్నామని విద్యార్థినులు వాపోతున్నారు. అనేకసార్లు సంబంధిత అధికారుల దృష్టికి సమస్యను తీసుకెళ్లినా ఇప్పటి వరకు ఎలాంటి శాశ్వత పరిష్కారం లభించలేదని ఆవేదన వ్యక్తం చేశారు. అధికారుల భయంతో ఈ విషయాన్ని విద్యార్థినులు బయటికి చెప్పలేకపోతున్నారని తెలుస్తోంది. 15 రోజులలో ఏ ఒక్కరోజు కూడా పూర్తిగా నీటి సరఫరా జరిగిన దాఖలాలు లేవని .. ప్రతిరోజూ ఏదో సమస్య చెబుతూ.. వస్తున్నారని మొరపెట్టుకున్నారు.
Telangana University Water Crisis | అసలే వర్షాకాలం-వ్యాధుల భయం
ఆరోగ్యం, పరిశుభ్రత, విద్యాభ్యాసంపై నీటి సమస్య ప్రతికూల ప్రభావం చూపుతోందని విద్యార్థినులు అంటున్నారు. విశ్వవిద్యాలయ అధికారులు వెంటనే స్పందించి నీటి సరఫరాను పునరుద్ధరించి సమస్యకు శాశ్వత పరిష్కారం చూపాలని వారు డిమాండ్ చేశారు. కాగా పీజీ, ఎల్ఎల్బీ, ఇంటిగ్రేటెడ్తో పాటు ఇటీవల ఇంజినీరింగ్ విద్యార్థినులు సైతం తోడవడంతో ఉన్న ఒక్క బాలికల వసతిగృహంలోనే వసతి పొందుతున్నారు. అటు మరో నూతన బాలికల వసతి గృహం ఇంకా నిర్మాణ దశలోనే ఉన్న నేపథ్యంలో ఇటు వసతి గృహంలో సమస్యలు విద్యార్థినులకు అసౌకర్యంగా మారాయి.
ఇది కూడా చదవండి..: Telangana Heavy Rains | రైతులకు గుడ్న్యూస్.. నేడు భారీ వర్షాలు
