అక్షరటుడే, నిజామాబాద్ అర్బన్: Hidden Treasure Excavation | నగరంలో గుప్తనిధుల తవ్వకాలకు సంబంధించిన ఘటనలో పోలీసులు విచారణ ముమ్మరం చేసినట్లు సమాచారం. తవ్వకాల కోసం వచ్చిన వారు ఎవరు..? వారిని పురమాయించిన వారెవరనే విషయాలపై సమాచారం సేకరిస్తున్నారు.
Hidden Treasure Excavation | 20వ డివిజన్ పరిధిలో..
నగరంలోని 20వ డివిజన్ పరిధిలోని ఎల్లమ్మగుట్ట (Yellammagutta) ప్రాంతంలో శుక్రవారం రాత్రి ఓ మహిళ తన సొంత స్థలంలో రాత్రివేళ తవ్వకాలు చేస్తోందని స్థానికులు ఆరోపించారు. ఈ క్రమంలో మూడురోజులుగా రాత్రివేళల్లో జరుగుతున్న ఈ తతంగంపై శుక్రవారం రాత్రి సదరు మహిళను ప్రశ్నించారు. దీంతో ఆమె అక్కడి నుంచి వెళ్లిపోగా కూలీలు పరారయ్యారు. స్థానికులు నాల్గో టౌన్ పోలీసు (4th Town Police)లకు సమాచారం అందించగా స్పందించిన వారు సంఘటనాస్థలానికి చేరుకుని విచారించారు. ఈ క్రమంలో తాజాగా పోలీసులు స్థలం యజమాని.. వచ్చిన కూలీలు ఎవరనే దానిపై సమాచారం లాగుతున్నారు. ఈ ఘటన స్థానికుల్లో భయాందోళనలకు గురిచేసింది.
ఇది కూడా చదవండి..: Marriage Fraud | యువకుడి ఇంటి ఎదుట యువతి ధర్నా.. పెళ్లి చేసుకుంటానని మోసం చేశాడని ఆరోపణ..
