అక్షరటుడే, వెబ్డెస్క్: Balka Suman Arrest | తెలంగాణ భవన్ వద్ద ఉద్రిక్తత చోటు చేసుకుంది. బీఆర్ఎస్ మాజీ ఎమ్మెల్యే బాల్క సుమన్ను అరెస్టు చేసేందుకు నాంపల్లి పోలీసులు (Nampally Police) అక్కడికి చేరుకున్నారు.
ఈ క్రమంలో ఎలాంటి అవాంఛనీయ ఘటనలు చోటు చేసుకోకుండా తెలంగాణ భవన్ పరిసరాల్లో భారీగా పోలీసులు మోహరించారు.
బాల్క సుమన్ ఇటీవల మాట్లాడుతూ రెచ్చగొట్టే వ్యాఖ్యలు చేశారు. సింగరేణి ఆస్తులు తగలబెట్టాలని, రైలు పట్టాలను కొసేయాలని వ్యాఖ్యలు చేశారు. ధర్నాలకు ప్రజలు రావడం లేదని, మిలిటెంట్ యాక్టివిటీలు చేయాలని కార్యకర్తలకు సూచించారు.
ఈ వీడియో సోషల్ మీడియాలో వైరల్ అయింది. దీంతో కాంగ్రెస్ నేతలు బాల్క సుమన్పై పోలీసులకు ఫిర్యాదు చేశారు. ప్రభుత్వ ఆస్తులు ధ్వంసం చేయాలని పిలుపునిచ్చిన ఆయనపై చర్యలు తీసుకోవాలని కోరారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.
Balka Suman Arrest | అరెస్ట్కు రంగం సిద్ధం
బాల్క సుమన్ అరెస్ట్కు పోలీసులు రంగం సిద్ధం చేశారు. గతంలో మున్సిపల్ ఎన్నికల సమయంలో కూడా మంత్రి వివేక్ కార్లపైదాడి చేశారని ఆయనను జైలుకు తరలించారు. తాజాగా మరోసారి అరెస్ట్ చేసేందుకు తెలంగాణ భవన్కు చేరుకున్నారు. కాగా బాల్క సుమన్ను శనివారం ఉదయం అరెస్ట్ చేశారని వార్తలు వచ్చాయి. అయితే ఆ వార్తలను బీఆర్ఎస్ నేతలు ఖండించారు. బాల్క సుమన్ మాట్లాడుతూ.. నేను తెలంగాణ భవన్ (Telangana Bhavan)లోనే ఉన్నా.. నన్ను అరెస్ట్ చేస్తారనే ప్రచారం జరుగుతుంది.. అరెస్ట్ చేస్తే న్యాయపరంగా ఎదుర్కొంటా అని పేర్కొన్నారు. ఈ క్రమంలో పోలీసులు తెలంగాణ భవన్కు వచ్చారు.
ఇది కూడా చదవండి..: Kishan Reddy Criticism | ధాన్యం సేకరణ ప్రక్రియ దారుణంగా తయారైంది:కిషన్రెడ్డి
