అక్షరటుడే, మెండోరా: Sriram Sagar Project | శ్రీరాంసాగర్ ప్రాజెక్టు ఎగువన మహారాష్ట్ర (Maharashtra)లో జోరుగా వానలు కురుస్తున్నాయి. జిల్లాలోనూ అలాగే నాలుగైదురోజులు వర్షాలు పడుతున్నాయి. దీంతో ఎస్సారెస్పీకి వరద భారీగా వచ్చి చేరుతోంది.
Sriram Sagar Project | విష్ణుపురి, బాలేగావ్ ప్రాంతాల నుంచి..
మహారాష్ట్రలోని విష్ణుపురి, బాలేగావ్ ప్రాంతాల్లో భారీ వర్షాలు కురుస్తున్నాయి. దీంతో ప్రస్తుతం శ్రీరాంసాగర్ ప్రాజెక్టులోకి 84,998 క్యూసెక్కుల ఇన్ఫ్లో వస్తోంది. ప్రాజెక్టు పూర్తి నీటిమట్టం 1,091 అడుగులు, పూర్తి సామర్థ్యం 80.50 టీఎంసీలు కాగా, ప్రస్తుతం 1,071.90 అడుగుల వద్ద 26.567 టీఎంసీల నీటి నిల్వ ఉంది. గతేడాది ఇదే సమయానికి ప్రాజెక్టులో 1,077.60 అడుగుల వద్ద 38.799 టీఎంసీల నీటి నిల్వ ఉండగా, ప్రస్తుతం సుమారు 12 టీఎంసీల మేర నీటి నిల్వ తక్కువగా ఉంది.
ప్రాజెక్ట్ నుంచి..
ప్రస్తుతం ప్రాజెక్టు నుంచి కాకతీయ కాలువ ద్వారా 300 క్యూసెక్కులు, మిషన్ భగీరథకు 231 క్యూసెక్కులు, ఆవిరి రూపంలో 291 క్యూసెక్కులు కలిపి మొత్తం 822 క్యూసెక్కుల నీటిని విడుదల చేస్తున్నారు. ప్రాజెక్టులోకి వరద నీరు పెరుగుతుండటంతో శ్రీరాంసాగర్ ఆయకట్టు పరిధిలోని రైతులు హర్షం వ్యక్తం చేస్తున్నారు. వరద పరిస్థితిని ఎప్పటికప్పుడు పర్యవేక్షిస్తూ అవసరమైన చర్యలు చేపడుతున్నట్లు ప్రాజెక్ట్ ఏఈ కొత్త రవి పేర్కొన్నారు.
ఇది కూడా చదవండి..: Sriram Sagar Project | శ్రీరాంసాగర్ ప్రాజెక్టుకు పర్యాటక శోభ సంతరించుకునేనా..!?
